Vetëm 21 milionë monedha Bitcoin në treg

Integruar në kodin e bitcoin, është një limit prej 21 milionë monedhash të cilat do prodhohen në total nga rrjeti. Bitcoinët e rinj hyjnë në qarkullim përmes një procesi që quhet “mining”, prodhimi i bitcoin nëpërmjet disa pajisjeve të caktuara kompjuterike të cilat procesojnë transaksione në blockchain . Prodhuesit (kompjuterat) punojnë për të mirëmbajtur rrjetin dhe përpunuar transaksionet, ndaj si shpërblim marrin bitcoin-e të reja qe emetohen nga sistemi.

Megjithatë çdo katër vite ky shpërblim që u jepet prodhuesve, përgjysmohet dhe së bashku me të bie ritmi i daljes së bitcoineve të reja në treg derisa në vitin 2140 asnjë bitcoin i ri të mos krijohet më.

Milioni i parë i bitcoin u gërmua nga Satoshi Nakamoto në 2009. Që atëherë afro 95% e sasisë është gërmuar dhe vetëm 2 milionë bitcoin kanë ngelur për tu krijuar.