Procesi i Mining

Procesi i verifikimit të transaksioneve të reja në blockchain njihet si mining, ose thënë shqip, gërmim/prodhim. Ky proces është një punë e vështirë kompjuterike që kërkon kohë dhe energji. Prodhuesit e Bitcoin zbatojnë një proces që quhet “Proof of work” (pow), në të cilën kompjuterët konkurrojnë për të zgjidhur disa probleme matematikore që vërtetojnë transaksionet mes përdoruesve anonimë në të gjithë botën. Në përgjithësi, prodhuesit përpiqen të gjenerojnë një numër heksadecimal 64-shifror, të referuar si hash, i cili është celësi i zgjidhjes së problemit matematikor. Norma e hashit të rrjetit mat numrin e hasheve të krijuara nga prodhuesit që përpiqen të zgjidhin e verifikojnë bllokun e traskasioneve ne blockchain-in aktual të Bitcoin.

Shkalla e hashimit të Bitcoin matet në Hash për sekondë, ose H/s. Prodhuesit kanë nevojë të kenë një shkallë të lartë hash-i për të prodhuar më shumë Bitcoin, të matur në megahash për sekondë (MH/s), gigahash për sekondë (GH/s) dhe terahashes për sekondë (TH/s).

Sistemi i shpërblen prodhuesit me Bitcoin shtesë për t'i inkurajuar ata të vazhdojnë garën për të zgjidhur problemat matematikore te blloqeve përkatës dhe për të ruajtur të gjithë sistemin. Kjo është mënyra se si transaksionet e reja blockchain i shtohen sistemit dhe se si monedhat e reja futen në treg duke shpërblyer prodhuesit për energjinë e harxhuar drejt verifikimit të transaksioneve.