Bitcoin: Ari i Ri Dixhital
Shumica e karakteristikave të përshkruara tashmë e bëjnë Bitcoin të jetë një përshtatje e mirë si një rezervë vlere. Metalet e çmuara, dollarët amerikanë dhe obligacionet qeveritare janë opsione më tradicionale, por Bitcoin po fiton një reputacion si një alternativë moderne e ari-t digjital. Që diçka të jetë një rezervë e mirë vlere, ajo ka nevojë të plotësojë disa karakteristika:
Qëndrueshmëria: Për sa kohë që ka ende kompjuterë që mirëmbajnë rrjetin, Bitcoin është 100% i qëndrueshëm. BTC nuk mund të shkatërrohet si paraja fizike dhe është, në fakt, më e rezistente se monedhat fiat dhe metalet e çmuara.
Transportueshmëria: Si një monedhë dixhitale, Bitcoin është mjaft e lehtë për tu transportuar. Gjithçka që ju nevojitet është një lidhje interneti dhe çelësat tuaj privatë për të aksesuar zotërimet tuaja BTC nga kudo.
4 vecoritë që e bejnë Bitcoin një standard të ri ari.
Ndashmëria: Çdo BTC është i ndashëm në 100,000,000 satoshi, duke i lejuar përdoruesit të bëjnë transaksione të të gjitha madhësive.
Universaliteti: Çdo BTC ose satoshi është i këmbyeshëm me një tjetër. Ky aspekt lejon që kriptomonedha të përdoret si një shkëmbim vlerash me të tjerët globalisht.
Kufizueshmëria: Do të ketë vetëm 21,000,000 BTC në ekzistencë, dhe miliona tashmë janë humbur përgjithmonë. Oferta e Bitcoin është shumë më e kufizuar sesa monedhat fiat inflacioniste, ku oferta rritet me kalimin e kohës.
Pranueshmëria: Ka pasur një adoptim të gjerë të BTC si një metodë pagese për individët dhe kompanitë, dhe industria e blockchain thjesht vazhdon të rritet çdo ditë.