Një javë deri në mbledhjen e ardhshme të Fed-it, pritet rritje me 75 bps. Si do të ndikojë në cmimin e Bitcoin?

Putini ndalon pagesat me kriptomonedha, një gjykatës i Manhattan-it thërret SEC për hipokrizi në padinë ndaj Ripple,ndërsa South Park godet të famshëm të kriptove. Këto histori dhe më shumë këtë javë rreth kriptomonedhave.

Rusia ndalon pagesat me kriptomonedha
Presidenti Putin nënshkroi në ligj një ndalim kombëtar për përdorimin e aseteve dixhitale për pagesa në Rusi. Sipas ligjit të ri, asetet dixhitale nuk mund të pranohen si pages për mallra dhe shërbime brenda vendit. Në një deklaratë, Kremlini tha se nuk dëshiron që në vend të rublës të ketë një formë tjetër pagese.

Gjykatësi thërret SEC për hipokrizi
Një gjykatës federal në Manhattan ka urdhëruar SEC të publikojë dokumenta në lidhje me dëshmitarët e saj, në betejën gjyqësore me Ripple. Përpjekja e SEC për të mbrojtur identitetet dhe opinionet e ekspertëve të saj nga çdo shqyrtim publik është e paprecedentë dhe gjykatësi po i quan përpjekjet e vazhdueshme të agjencisë për ta bërë këtë si "hipokrizi".

Celsius deklaron falimentimin
Huadhënësi i kriptomonedhave Celsius Network u bë firma e fundit që paraqiti falimentimin. Regjistrimi zbulon një deficit prej 1.2 miliardë dollarësh në bilancin e saj. Kjo ndodhi disa javë pasi ngriu llogaritë e përdoruesve, duke i mbyllur fondet e tyre. Sipas Celsius, nevoja për mbrojtje nga falimentimi do ta ndihmojë atë në procesin e ristrukturimit.

Shkurtimet e stafit të kompanive të kriptomonedhave vazhdojnë
OpenSea, platforma më e madhe në botë për tregëtimin e NFT-ve, ka njoftuar se do të shkurtojë rreth 20% të stafit të saj. OpenSea i bashkohet firmave të tjera të kriptomonedhave si Coinbase, Gemini dhe Crypto.com të cilat kanë deklaruar shkurtim të stafit. CEO dhe bashkëthemeluesi Devin Finzer tha se kompania duhej të përgatitej për mundësinë e një rënieje të zgjatur.

MATIC kërcen në Partneritetin Disney
Tokeni MATIC i Polygon është rritur me 30% pasi ishte e vetmja kompani blockchain e përzgjedhur për Programin e Përshpejtuesit të Walt Disney 2022. Programi i zhvillimit të biznesit të Disney është krijuar për të përshpejtuar rritjen e kompanive më të avancuara të argëtimit. Këtë vit, programi është i përqendruar në realitetin e shtuar(AR), NFT-ve dhe inteligjencën artificiale.

Një rezidencë e Playboy në Metaverse
Rezidenca e Playboy po vjen në metaverse pasi firma ka njoftuar një bashkëpunim me projektin metaverse të bazuar në Ethereum, The Sandbox. "Metamansion" do të shfaqë koleksione NFT, ngjarje të programuara, lojëra sociale dhe përvoja lojërash. Playboy hyri në hapësirën Web3 në pranverën e vitit të kaluar me NFT e tij që shfaqin art nga arkivat e Playboy.

Posta Zvicerane hyn në botën e kriptomonedhave
Zyra e Postës Zvicerane planifikon të krijojë një produkt tregtimi dhe kujdestarie të kriptomonedhave, pas kërkesës së lartë nga përdoruesit. Shërbimi ka të ngjarë të jetë i disponueshëm në vitin 2024. PostFinance nuk është vetëm krahu bankar i zyrës postare të Zvicrës, por edhe banka e pestë më e madhe me pakicë në Zvicër me mbi 2 milionë klientë.

South Park godet promotorët e famshëm të kriptomonedhave
Një episod i ri i South Park synon promovimet e kriptomonedhat të bëra nga të famshëm vitin e kaluar. Episodi shpenzon pjesën më të madhe të kohës në Matt Damon, duke aluduar në reklamën e tij rreth Crypto.com, por ylli i tenisit i mbështetur nga FTX, Naomi Osaka dhe investitorët e famshëm të NFT si Gwyneth Paltrow dhe Reese Witherspoon u përmendën mjaftueshëm në serialin e animuar.

report.jpg

Related Posts

SEC padit Binance se ka keqpërdorur fondet e klientëve

Komisioni i Shkëmbimeve dhe Letrave me Vlerë (SEC) paditi të hënën Binance, bursën më të madhe të kriptomonedhave në botë, duke pretenduar se kompania ...

Ja çfarë ndodhi këtë javë në botën e kriptomonedhave

Elon Musk përballet me akuza të reja për tregtimin e Dogecoin. Coinbase thotë se AI mund të përfitojë nga kriptomonedhat, ndërsa një portofol ...

Si ndikon një falimentim i ekonomisë së SHBA-së në botën e kriptomonedhave

Tregu i monedhave të qëndrueshme (stablecoins), me një vlerë prej 130 miliard dollarësh, është i fokusuar në bonot e thesarit të qeverisë amerikane, ...