Binance shkatërroi vetëm 0,08% të tokenave LUNC, një numër shumë i vogël për të dhënë ndikim në monedhën e cila përjetoi hiperinflacion gjatë Majit 2022.
"Djegia" e planifikuar e tokenave LUNC supozohej të rriste çmimin. Të paktën, ky ishte spekulimi i shumë tregtarëve të kriptomonedhave por, ndikimi në të ishte i pamjaftueshëm.
Që kur mekanizmi u zbatua një javë më parë, Binance shkatërroi tokena me vlerë 1.8 milionë dollarë. Kjo shumë përfaqëson vetëm 0.08% të tokenave total të Terra Classic.
Çmimi i LUNC ra 12% në 24 orët e fundit, në 0.0003037 dollarë, sipas CoinGecko.
LUNC është tokeni origjinal i Blockchain-it të Terra Classic, i cili kapitulloi këtë maj për shkak se monedha e qëndrushme (stablecoin) USDT humbi vlerën e saj kundrejt dollarit.
Ndërsa shumica e zhvilluesve dhe projekteve të tjera u larguan nga Blockchain-i, disa anëtarë të komunitetit u përpoqën të sjellin jetë të re në rrjet duke prezantuar një skemë që redukton sasinë totale të tokenit.
Çmimi i LUNC pothuajse u dyfishua javën e kaluar pasi Binance zbuloi skemën e saj për të ndihmuar komunitetin e Terra Classic. Bursa e kriptomonedhave zbatoi një mekanizëm që djeg tarifat që mbledh nga tregtimi i LUNC.
LUNC u bë aseti i tretë më i tregtuar në Binance pas Bitcoin (BTC) dhe Ethereum (ETH), sipas të dhënave nga CoinMarketCap.
Djegia u llogarit në bazë të tregtimit të tokenit midis 21 shtatorit dhe 1 tetorit. Kështu, Binance hoqi 5.6 miliardë tokena nga qarkullimi duke i dërguar në një adresë "djegie", sipas të dhënave në Blockchain.
Skema e Binance "është e pakuptimtë në ndikimin e saj të drejtpërdrejtë", tha në një bisedë në Telegram një tregtar kriptomonedhash i cili përdoret me pseudonimin Ogle.
"Me këtë ritëm, duke supozuar se vëllimi i tregtisë vazhdon të jetë aq i lartë sa tani (për të cilën dyshoj), do të duheshin 15 vjet për të arritur objektivin e djegies totale."
