Rregullat e Evropës mund të implikojnë DeFi, DAO dhe NFT-të

Një seri amendamentesh të hartuara nga anëtarët e Parlamentit Evropian për pozicionin e tyre mbi rregulloren kundër pastrimit të parave (AML) dhe kundër financimit të terrorizmit (CTF) kanë potencialin të bëjnë ndryshime të mëdha në peisazhin rregullator të Evropës, sipas draft raportit të parë.

Rregulli i "Udhëtimit" që imponon dispozita për verifikimin e identitetit për transferimin e fondeve që përfshijnë të ashtuquajturat ‘kuleta të pastrehuara’ të cilat më parë shkaktuan bujë në industri duket se është hequr.

Megjithatë, ndryshimet e reja zgjerojnë fushën e rregullores për të mbuluar organizatat autonome të decentralizuara (DAO), protokollet e financave të decentralizuara (DeFi) dhe zhvilluesit e tyre, dhe njerëzit që tregtojnë NFT. Metaverse është synuar gjithashtu si bazë e mundshme për pastrim parash, dhe ofruesit e shërbimeve të kripto-aseteve gjithashtu mund të detyrohen të ndjekin rregullat e AML-së kur kanë të bëjnë me transaksione mbi 1000 euro.

Dispozitat janë rezultat i bashkimit të modifikimeve të sugjeruara nga grupet parlamentare në amendamente kompromisi të cilat përpiqen të mbulojnë të gjitha pikëpamjet e ndryshme.

Ndryshimet kanë ende një numër hapash për të kaluar përpara se të miratohen zyrtarisht. Së pari, ato duhet të kalojnë përmes një votimi për të hyrë në raportin e Parlamentit Evropian për rregullimin e AML-së. Raporti përfundimtar duhet të kalojë një votim plenar në të gjitha komisionet e Parlamentit. Pas kësaj, raporti do të përfaqësojë Kuvendin në debatet ndërinstitucionale për AML-në.

Raporti përfundimtar për qëndrimin e Kuvendit është parashikuar në dhjetor dhe deri atëherë janë caktuar takime teknike për raportin e AML-së.

aml.jpg

Related Posts

Ja çfarë ndodhi këtë javë në botën e kriptomonedhave

Miratohen aplikimet për Bitcoin ETF, por ky miratim nisi më pare me një lajm të rremë. Një përditësim i ri po diskutohet për Ethereum, ndërsa SEC ka...

Bitcoin ETF miratohet zyrtarisht nga SEC

Komisioni i Shkëmbimit dhe Letrave me Vlerë i SHBA-së ka miratuar zyrtarisht fondet e para të tregtueshme të rregulluara në Shtetet e Bashkuara të...

Ja çfarë ndodhi këtë javë në botën e kriptomonedhave

Elon Musk shkakton polemika si pasojë të një citimi të gabuar gjatë prezantimit të BitKey të Dorsey. Coinbase ju lejon të dërgoni para përmes mediave...