Elon Musk blen Twitter-in për 44 miliardë dollar ndërkohë që Twitter integron tregtimin e NFT-ve

Elon Musk ka mbyllur blerjen e tij prej 44 miliardë dollarësh të Twitter-it. Musk e vulosi marrëveshjen të enjten mbrëma, duke e marrë pronësinë e Twitter-it dhe duke shkarkuar një pjesë të vogël të drejtuesve të lartë përfshirë CEO Parag Agrawal.

Musk pushoi nga puna CFO Ned Segal, Shef i Departamentit Ligjor, Politikës dhe Trustit, Vijaya Gadde dhe Këshilltarin e Përgjithshëm Sean Edgett. Megjithëse është ende një lëvizje agresive dhe e papritur e ditës së parë, Agrawal ishte i pashmangshëm duke pasur parasysh përplasjet e tij të dokumentuara mirë dhe një takim virtual të dështuar me Musk. Gjithashtu nuk është çudi që Gadde ishte ndër të parët që shkoi, pavarësisht se ishte një figurë e respektuar në kompani. Musk më parë veçoi ekzekutivin më të lartë me akuza për "paragjykim të krahut të majtë" mbi rolin e saj në vendimmarrjen e politikave në Twitter, duke nxitur një valë urrejtjeje dhe ngacmimi raciste në rrugën e saj.

Rruga për ta bërë Twitter private ka qenë një rrugë e vështirë. Musk fillimisht filloi të flirtonte me idenë e zotërimit të Twitter në fillim të prillit, kur bleu 9.2% të kompanisë për 3 miliardë dollarë. Por ai nuk u ndal me kaq. Në më pak se dhjetë ditë, CEO i Tesla dhe SpaceX deklaroi qëllimin e tij për të blerë Twitter për 44 miliardë dollarë.

Tani që Elon Musk zotëron zyrtarisht Twitter-in, nuk ka akoma një vendim të qartë mbi drejtimin që do të marrë platforma. Miliarderi kaotik dhe shpesh kontradiktor në të kaluarën ka premtuar të rivendosë llogarinë e ish-presidentit Trump, të çlirojë platformën nga të gjitha botet e automatizuara, të cilat personalisht e shqetësojnë atë si një nga përdoruesit më të ndjekur në platformë dhe ka promovuar potencialin e Twitter-it si një terren neutral dhe një kundërpeshë ndaj ankesave të tij për mediat tradicionale, të cilat nganjëherë nuk raportojnë në mënyrë të favorshme për ecurinë e tij.

Sipas disa raporteve, Musk planifikon të shkurtojë 75% të stafit të Twitter e cila është shqetësuese duke pasur parasysh se pushimi nga puna do t'u kushtonte mijëra punëtorëve punën e tyre.

Twitter do t'i lejojë përdoruesit të blejnë dhe shesin NFT përmes Tweets

Platforma e mediave sociale Twitter njoftoi se do t'i lejojë përdoruesit të blejnë, shesin dhe shfaqin NFT drejtpërdrejt përmes tweet-eve. Integrimi, i quajtur NFT Tweet Tiles, shfaq veprën artistike të një NFT-je në një panel të dedikuar brenda një tweet-i dhe përfshin një buton për t'i lejuar përdoruesit të klikojnë në një listë tregu.

Integrimi i cili është ende në testim aktualisht funksionon me katër partnerë specifikë: Magic Eden, Rarible, Flow Dapper Labs dhe Jump.trade. Së bashku, këta partnerë përfshijnë disa rrjete Blockchain si: Ethereum, Solana, Flow, Polygon, Tezos dhe Immutable X.

5886CD41-5A90-4FC8-B0B0-61698945CEDB.jpeg

Related Posts

Ja çfarë ndodhi këtë javë në botën e kriptomonedhave

Miratohen aplikimet për Bitcoin ETF, por ky miratim nisi më pare me një lajm të rremë. Një përditësim i ri po diskutohet për Ethereum, ndërsa SEC ka...

Bitcoin ETF miratohet zyrtarisht nga SEC

Komisioni i Shkëmbimit dhe Letrave me Vlerë i SHBA-së ka miratuar zyrtarisht fondet e para të tregtueshme të rregulluara në Shtetet e Bashkuara të...

Ja çfarë ndodhi këtë javë në botën e kriptomonedhave

Elon Musk shkakton polemika si pasojë të një citimi të gabuar gjatë prezantimit të BitKey të Dorsey. Coinbase ju lejon të dërgoni para përmes mediave...