Ngjarjet kryesore që përfshinë botën e kriptomonedhave

Goldman Sachs kërkon të shfrytëzojë mundësitë në treg, SEC vendos udhëzime të reja për kompanitë të ekspozuara ndaj kriptomonedhave ndërsa Coinbase inkurajon përdoruesit e saj të bëjnë kalimin nga USDT në USDC. Këto histori dhe më shumë këtë javë në botën e kriptomonedhave.

Goldman Sachs kërkon mundësi të reja në kripto
Pas rënies së FTX, Goldman Sachs kërkon mundësi të reja në tregun e kriptomonedhave. Gjigandi i investimeve ka plane të shpenzojë dhjetëra miliona dollarë për të blerë ose investuar në kriptomonedhave. Kompania tha se përfshirja e rregullatorëve e bën industrinë më të besueshme dhe do të përmirësojë gjendjen e saj.

SEC lufton kundër rreziqeve të ardhura prej kriptomonedhave
Komisioni i Letrave me Vlerë dhe Shkëmbimeve lëshoi ​​udhëzime të reja që u kërkon kompanive publike të zbulojnë ekspozimin në tregjet e kriptomonedhave për investitorët e tyre. Sipas udhëzimeve të reja, kompanitë jo vetëm që do të duhet të përfshijnë zotërimet e tyre të aseteve dixhitale në dosjet e tyre publike, por edhe ekspozimin e tyre ndaj rrezikut dhe zhvillimeve të tjera të tregut.

A do të nisin bursat një luftë midis monedhave të qëndrueshme (stablecoins)?
Coinbase po heq dorë nga tarifat e konvertimit për përdoruesit që bëjnë kalimin nga USDT në një "stablecoin të besuar" si pjesë e një fushate të re që nxjerr në pah cilësinë e rezervave që mbështesin monedhën e qëndrushme USDC. Ndërkohë, Binance ka ndaluar mbështetjen e USDC, duke i konvertuar automatikisht zotërimet e klientëve të saj në monedhën e vet të qëndrueshme, BUSD.

Nigeria përpiqet të detyrojë përdorimin e CBDC
Nigeria ka reduktuar në mënyrë drastike sasinë e parave që individët dhe bizneset mund të tërheqin, në përpjekjet e saj për të shtyrë popullsin nigeriane drejt përdorimit të eNaira e cila është monedha dixhitale e bankës qendrore të Nigerisë. Individët do të mund të tërheqin deri në 225 dollarë në javë nga bankat e tyre dhe do të përballen me një tarifë prej 5% për çdo shumë që tejkalon atë kufi.

Crypto.com & Coca-Cola lëshojnë NFT-të e Kupës së Botës
Crypto.com njoftoi bashkëpunimin e saj me Coca-Cola për të nisur një seri NFT-sh për të festuar Kupën e Botës FIFA 2022 në Katar. Bursa e kriptove do të lancojë koleksionin prej 10,000 NFT-sh të krijuara nga Coca-Cola dhe artisti dixhital GMUNK, për të përkujtuar ndeshjet historike.

Sipërmarrësi rus i kriptomonedhave humbi jetën në një aksident
Manjati rus i kriptove, Vyacheslav Taran, themeluesi i bursës së kriptove Libertex, vdiq pasi helikopteri me të cilin po udhëtonte u rrëzua pranë Monakos. Helikopteri dyshohet se u rrëzua në mënyrë misterioze, duke qënë se moti ishte në kushte të mira dhe një pasagjer thuhet se anuloi hipjen në minutën e fundit. Taran është sipërmarrësi i tretë që vdes papritur në javët e fundit.

Shtetet e Bashkuara kryesojnë në vëllimin e tregtimit të kriptomonedhave
Raporti i fundit i Huobi Research zbuloi se Shtetet e Bashkuara kryesojnë në vëllimin e tregtimit të kriptove, me 9% të vëllimit në bursat e centralizuara dhe 31% në DeFi. Përqindja e popullsisë që përdor kripto nuk është aq e lartë sa në disa juridiksione të tjera. Vetëm 13% e amerikanëve përdorin kripto, krahasuar me 20% në Vietnam, i cili kryeson midis vendeve të përfshira në studim.

f29d1535-6f58-4ad3-b507-b1063391517a-image.png

Related Posts

Ja çfarë ndodhi këtë javë në botën e kriptomonedhave

Miratohen aplikimet për Bitcoin ETF, por ky miratim nisi më pare me një lajm të rremë. Një përditësim i ri po diskutohet për Ethereum, ndërsa SEC ka...

Bitcoin ETF miratohet zyrtarisht nga SEC

Komisioni i Shkëmbimit dhe Letrave me Vlerë i SHBA-së ka miratuar zyrtarisht fondet e para të tregtueshme të rregulluara në Shtetet e Bashkuara të...

Ja çfarë ndodhi këtë javë në botën e kriptomonedhave

Elon Musk shkakton polemika si pasojë të një citimi të gabuar gjatë prezantimit të BitKey të Dorsey. Coinbase ju lejon të dërgoni para përmes mediave...