Gjatë gjithë jetës sonë, ne kemi qenë subjekt i një numri të madh përvojash dhe momentesh që kanë formësuar pikëpamjen tonë për botën. Megjithatë, sjellja njerëzore është e përbashkët për të gjitha tregjet financiare.
Mentaliteti i tregut
Tregu i kriptomonedhave është ende në fillimet e tij me likujditet relativisht të ulët kur krahasohet me tregjet e tjera si FOREX. Për më tepër, investitorët në kripto drejtohen nga emocionet. Këto karakteristika kombinohen për të krijuar një mjedis shumë të paqëndrueshëm dhe të paparashikueshëm si për investitorët ashtu edhe për tregtarët. Ekziston një nivel i caktuar i mentalitetit të turmës kur bëhet fjalë për sentimentin në çdo klasë asetesh. Ne jemi të gjithë të përgjegjshëm për blerjen e një aseti, sepse të gjithë duket se nuk bëjnë ndonjë kërkim të mirëfillt rreth asetit ku do të investojmë. Kriptomonedhat janë të prirura ndaj sjelljes së turmës, dhe disa projekte kanë një sjellje pothuajse të ngjashme me kultin. Për sa i përket tregjeve financiare, ky mund të jetë rasti kur ato rriten ose ulen. Çështja është se shpesh ndjenja mund të bëhet jehonë, ku të gjithë ushqejnë njëri-tjetrin me informacione që u përshtaten paragjykimeve të tyre. Nuk ka vend më të mirë për ta parë këtë në veprim sesa në Twitter. Natyrisht, do të ketë momente kur investitorët do të jenë korrekt në vlerësimin e tyre. Megjithatë, duhet të jetë gjithmonë pjesë e të menduarit për të marrë në konsideratë klimën aktuale dhe nëse ndikimi i jashtëm, lidhja emocionale me asetet në një portofol ose fitimi/humbja po ndikon në vendimmarrjen e investitorit. Askush nuk mund të përcaktojë kohën e saktë për të investuar. Shpesh është e dobishme të blesh kur shumica shet nga frika dhe të shesësh kur shumica blen nga lakmia. Lërini investitorët e tjerë të bëhen likuiditeti juaj, në vend që të bëheni vetë ju likuiditet. Që dikush të shesë, duhet të ketë dikë që të blejë.
Avantazhi ndaj të tjerëve
Një avantazh është thjesht një ide apo strategji investimi që do të na lejojë të përballojmë tregun. Është e pamundur të dihet nëse një avantazh është efektiv pa prova dhe gabime për të kuptuar se çfarë funksionon dhe çfarë jo. Për të qenë i sinqertë, vetëm të mbijetosh në treg është gjysma e betejës. Koha, përpjekja dhe motivimi për të pasur sukses janë jetike. Do të ishte e paarsyeshme të merrje një individ nga rruga, ta çoje në spital dhe t'i kërkonit të kryente një operacion në zemër. Kirurgët kalojnë vite të tëra edukimi dhe mësimi praktik përpara se të lihen pranë një pacienti. Prandaj, përse do të ishte e arsyeshme që të zgjidhnim të njëjtin individ nga rruga dhe t'i kërkoni atij të tejkalojë çdo indeks financiar, e lëre me një nga më të rinjtë dhe më të paqëndrueshëm në ekzistencë? Njerëzit kërkojnë rrugën më të lehtë për të zgjidhur problemet e tyre por, nëse të gjithë po bëjnë të njëjtën gjë, është thelbësore të kemi një “As nën mëngë”, të jemi më të mirë, të kërkojmë mundësi ku askush tjetër nuk mund ti shohë, nëse duam të kemi ndonjë shans për të mbajtur një avantazh ndaj konkurrentëve.
Aspekti emocional
Askujt nuk i pëlqen të shohë ditë, javë apo muaj të kuq dhe të shohë rënien e vlerës së portofolit të tyre por, të gjithëve u pëlqen të shohin ditët e gjelbra dhe portofolin e tyre duke u rritur. Humbjet e mëdha, si dhe fitimet e mëdha, krijojnë një lloj reagimi emocional që çon në blerjen e aseteve me çmime të larta dhe shitjen e tyre me çmime te ulta. Marrja e vendimeve për investime bazuar në kërkime të plota dhe krijimi i një teorie që bazohet në sa më shumë informacion të jetë e mundur është thelbësore për të përballuar tregun. Nëse fitimi nga investimet është një pjesë e konsiderueshme e kapitalit të një individi, atëherë mund të jetë e dobishme të sigurohen fitime, të bëhet një hap mbas dhe të përgatis lëvizjen e radhës. Mund të jetë e lehtë të ndikohesh nga FOMO (Frika e Humbjes). Nëse qëllimi është afatgjatë për disa vite, shkëlqyeshëm! Por investitori duhet të jetë i përgatitur për të parë rënie të vlerës së portofolit të tyre me 50-80%.
Asgjë nuk është kurrë e sigurt në tregjet financiare. Në fund të fundit, e vetmja gjë mbi të cilën dikush ka kontroll është kur blen, dhe kur shet. Gjithçka në anën e djathtë të grafikut është e panjohur dhe do të mbetet e panjohur derisa të ndodhë. Gjëja më e mirë që mund të bëjë secili prej nesh është të studiojë dhe të tresë sa më shumë informacion që të jetë e mundur dhe të përdorë përvojat e kaluara për të marrë vendimet e duhura. Kontrolli i emocioneve dhe qëndrimi racional është thelbësor për jetëgjatësinë në çdo treg, veçanërisht kripto, për shkak të paqëndrueshmërisë së vet tregut.
