Një anomali në bursën e Nju Jorkut (NYSE) ditët e fundit tregoi se sistemet e tregtisë tradicionale mund të jenë ende të prirur ndaj dështimit ose manipulimit.
Sipas NYSE, një "problem në sistem" pengoi në shitjen e qindra letrave me vlerë duke shkaktuar probleme të gjera tregtare. Duke krijuar konfuzion nëse urdhrat plotësoheshin me çmime të sakta, anomalia preku tregtimet e mbi 250 letrave me vlerë. Këto përfshinin aksionet e disa korporatave të mëdha, duke përfshirë ExxonMobil, 3M, Verizon, McDonald's Corp, Wells Fargo dhe Walmart. Një investitor shpjegoi se problemi kishte bërë që hapja e NYSE të anulohej automatikisht. Sipas bursës, aksionet filluan të tregtohen pau hapur bursa, gjë që bëri që ato të reflektonin çmime të pasakta. NYSE tha se do t'i shpallte çmimet e pasakta si të pavlefshëm dhe do të anulonte tregtitë e ndodhura gjatë asaj periudhe. Bursa ishte në gjendje të shpëtonte pjesën e mbetur të ditës, duke përfunduar me një mbyllje normale të tregut. Edhe pse NYSE tha se do të hetonte incidentin, shkaku i defektit mbetet ende i paqartë. Megjithatë, vlerësimet fillestare se sa do t'u kushtojë investitorëve defekti variojnë në tetë shifra.
Komisioni Amerikan i Letrave me Vlerë dhe Shkëmbim (SEC) tha se do të hetonte këtë çështje. Në vitin 2014, SEC prezantoi një listë rregullash në lidhje me vazhdimësinë e biznesit, sipas të cilit gjobiti NYSE 14 milionë dollarë në vitin 2018. Bursa u bë e para e gjobitur sipas regjimit për një pushim prej katër orësh në treg në korrik 2015. Ky incident tregon se edhe sistemet tradicionale financiare mbeten me të meta, edhe pse skeptikët e kriptomonedhave shqyrtojnë me kujdes protokollet e Blockchain-it dhe financave të decentralizuara (DeFi). Sipas tyre, rritja e tregut të kriptomonedhave, vjen vetëm si rezultat i manipulimit. Megjithatë, pavarësisht nga rritjet e saj, teknologjia Blockchain është projektuar pjesërisht për të adresuar të metat e infrastrukturës financiare. Për shembull, platforma tregtare Robinhood pezulloi tregtimin e aksioneve të njohura të memeve vitin e kaluar, të cilën shumë tregtarë e cilësuan si manipulim. Një bursë e decentralizuar që funksionon sipas kontratave të zgjuara nuk do të ishte në gjendje të merrte një vendim të tillë arbitrar që prek investitorët.
