Bankat e kriptomonedhave në vështirësi

Tregu i kriptove po bie pas një kolapsi të bankës Silicon Valley, duke bërë që USDC e cila është e lidhur me dollarin të bjerë dhe duke ngritur shqetësime për të ardhmen e të gjithë sektorit. A do t'i mbijetojë kripto efektit domino? Këto histori dhe më shumë këtë javë në botën e kriptomonedhave.

Bitcoin bie nën 20,000 dollarë
Çmimi i Bitcoin ra nën 20,000 dollarë, duke shënuar nivelin më të ulët në dy muajt e fundit. Kjo rënie u shkaktoi investitorëve një humbje prej 70 miliard dollarësh. Rënia në kripto u lidh drejtpërdrejtë me rënien e çmimit të aksioneve pasi Banka e Silicon Valley u mbyll nga rregullatorët, duke ndikuar negativisht në të gjithë tregjet.

Pasojat e mëdha për USDC pas rënies së bankës
Monedha e qëndrueshme USDC e Circle ra nën 1$, pasi firma zbuloi se ka rezerva me vlerë rreth 3 miliard dollarë në Bankën e Silicon Valley. Çmimet e tjera të monedhave të qëndrueshme gjithashtu humbën pak vlerën e tyre kundrejt dollarit, gjithashtu dhe tarifat e gazit të Ethereum-it u rritën pasi investitorët nxituan për të mbrojtur investimet e tyre dhe rregullatorët mbyllën bankën Sillicon Valley.

Ethereum është etiketuar si një “security”
Çmimi i Ethereum-it gjithashtu ra në nivelin më të ulët në dy muaj e fundit, pasi Prokurori i Përgjithshëm i Nju Jorkut e etiketoi atë "security" në padinë e shtetit kundër bursës të kriptomonedhave KuCoin, duke nxitur frikën për një goditje më të gjerë rregullatore. KuCoin po përballet me akuza për dështimin e regjistrimit në shtet përpara se të lehtësojë transaksionet në platformën e saj.

Kraken është gati të hapë një bankë të re
Bursa e kriptomonedhave me bazë në San Francisko thuhet se është afër hapjes së bankës së saj në Shtetet e Bashkuara. Kraken tashmë ka miratimin nga një rregullator shtetëror në Wyoming që lejon Kraken të operojë një bankë të pavarur, e cila do të reduktonte varësinë nga institucionet financiare të palëve të treta. Zyrtari kryesor ligjor i Kraken konfirmoi se ata mund të hapin bankën e tyre "shumë, shumë shpejt".

Coinbase vazhdon shërbimet e saj të depozitimit (Staking)
Bursai amerikane e kriptomonedhave, Coinbase, ka thënë se shërbimet e saj të depozitimit (staking) do të vazhdojnë. Pavarësisht se SEC kërkon të godasë ofrimin e aseteve të paregjistruara të kategorizuara si “security” përmes programit të depozitimit por, Coinbase ka thënë se shërbimet e saj nuk do të mbyllen. Megjithatë, sipas kushteve të reja, Coinbase shpjegon në mënyrë eksplicite se përdoruesit fitojnë shpërblime nga protokollet e decentralizuara, jo drejtpërdrejt nga Coinbase.

Bybit pezullon transfertat bankare në USD
Bybit, një nga bursat kryesore të kriptomonedhave në botë, ka njoftuar pezullimin e depozitave në USD përmes transfertave bankare deri në një njoftim të mëtejshëm, për shkak të problemeve të sherbimit nga palët e treta. Ndalimi erdhi menjëherë pasi banka Silvergate zbuloi planet për të ndërprerë rrjetin e saj të pagesave përmes kriptomonedhave.

SHBA propozon taksë për energjinë elektrike të përdorur nga prodhuesit e kriptomonedhave
Një propozim buxheti i paraqitur nga Presidenti Biden synon të ulë aktivitetin e prodhuesve (miners) në Shtetet e Bashkuara duke vendosur taksë për energjinë e përdorur për prodhimin e kriptomonedhave. Departamenti i Thesarit shpjegoi se çdo kompani që përdor energji elektrike për të prodhuar kriptomonedha do të paguaj një taksë prej 30%.

Bashkëthemeluesi i BitMex propozon monedhën e qëndrueshme të bazuar në Bitcoin
Arthur Hayes, bashkëthemelues i platformës së tregtimit të kriptove BitMEX, ka propozuar një monedhë të re të qëndrueshme, të quajtur NakaDollar (NUSD), i cili do të mbështetet nga Bitcoin dhe derivatet e përhershme të bursës. Hayes vëren në një postim në blog duke shpjeguar idenë se, ndryshe nga shumica e monedhave të qëndrueshme, si Tether ose USDC, NakaDollar do të krijohej pa sistemin tradicional bankar, duke e bërë atë të përjashtuar nga rregulloret e fiat-it.

5FE94D67-E2A9-4834-9383-48EEC23D7D29.jpeg

Related Posts

Ja çfarë ndodhi këtë javë në botën e kriptomonedhave

Miratohen aplikimet për Bitcoin ETF, por ky miratim nisi më pare me një lajm të rremë. Një përditësim i ri po diskutohet për Ethereum, ndërsa SEC ka...

Bitcoin ETF miratohet zyrtarisht nga SEC

Komisioni i Shkëmbimit dhe Letrave me Vlerë i SHBA-së ka miratuar zyrtarisht fondet e para të tregtueshme të rregulluara në Shtetet e Bashkuara të...

Ja çfarë ndodhi këtë javë në botën e kriptomonedhave

Elon Musk shkakton polemika si pasojë të një citimi të gabuar gjatë prezantimit të BitKey të Dorsey. Coinbase ju lejon të dërgoni para përmes mediave...