Binance konverton 1 miliard dollarë në kripto ndërsa vendoset data për përmirësimin tjetër të Ethereum-it. Flitet se Microsoft Edge kërkon të integroj një portofol kriptomonedhash me shfletuesin e tij të internetit. Këto histori dhe më shumë këtë javë në botën e kriptomonedhave.
Java më e mirë për Bitcoin-in që nga fillimi i vitit 2021
Bitcoin përjetoi javën e tij më të mirë që nga janari 2021. Rritja e çmimeve është nxitur nga injektimi i Rezervës Federale prej 300 miliard dollarësh në sistemin bankar. Përveç kësaj, Kina shtoi gjithashtu likuiditetin duke ulur raportin e saj të rezervës për bankat, gjë që kontribuoi në rritjen e fundit në treg.
Binance konverton BUSD në kriptomonedha të tjera
Me shqetësimin në rritje rreth stabilitetit të monedhave të qëndrueshme, CEO i Binance ka plane të reja për fondet e saj të 'Industry Recovery Initiative'. Changpeng Zhao tha në një postim në Twitter se duke pasur parasysh ndryshimet në monedhat e qëndrueshme dhe bankat, Binance do të konvertojë fondet e mbetura në BUSD me vlerë 1 miliard dollarë në kriptomonedha të tjera si Bitcoin, BNB dhe Ethereum.
Zhvilluesit e Ethereum-it vendosin datën për përmirsimin “Shangai”
Zhvilluesit ranë dakord për një datë të synuar për përmirësimin e shumëpritur që do të mundësojë tërheqjet e stakuara të Ether-it. Ethereum kaloi në një mekanizëm të provës së aksioneve në shtator gjatë ngjarjes Merge dhe rrjeti filloi të përdorë validues në vend të minatorëve. Pas përmirësimit të Shangait më 12 prill, vlerësuesit do të jenë në gjendje të vendosin se çfarë duan të bëjnë me aksionet e tyre.
Rrëzohet ChipMixer pasi u akuzua për pastrim parash
Një operacion ndërkombëtar ka rrëzuar ChipMixer me ndihmën e Europol. ChipMixer ka ndihmuar kriminelët të pastrojnë mbi 700 milion dollarë gjatë gjashtë viteve të funksionimit të tij. Sipas Departamentit Amerikan të Drejtësisë, ai kishte tërhequr përdorues si hakerat e Koresë së Veriut dhe spiunët rusë.
Arbitrum do të lançoj tokenin ARB
Arbitrum, një nga rrjetet më të mëdha të shkallëzimit të Shtresës 2 (Layer 2) të Ethereum, do të lançoj tokenin e tij. Fondacioni Arbitrum tha se ARB, tokeni i ri i Arbritrum, do t'u transmetohet anëtarëve të komunitetit në ditët në vijim. Ky veprim e kalon Arbitrum në një organizatë autonome të decentralizuar (DAO), pasi mbajtësit e ARB-së do të jenë në gjendje të votojnë për vendimet kryesore që rregullojnë rrjetin.
Sesame Street do të lançoj NFT-të e saj
Sesame Street ka lançuar koleksionin e saj të parë të koleksioneve dixhitale në formën NFT-ve. NFT-të e para të Sesame Street të lançuara nga seria shfaqin personazhin "Përbindëshi i biskotave" dhe kanë një çmim prej 60 dollarë secila. Sipas Sesame Workshop, koleksionet shtesë të Sesame Street do të dalin më vonë këtë vit.
Pokemon mund ti drejtohet Metaverse
Një postim i ri pune nga The Pokemon Company po çon në spekulime se mund të jetë duke e çuar markën e saj në Metaverse. Firma aktualisht po kërkon një Drejtues të Zhvillimit të Korporatës, i cili do të jetë përgjegjës për strategjitë për të rritur Kompaninë Pokemon. Listimi gjithashtu thotë se kandidatët e mundshëm duhet të kenë një kuptim të thellë të Web3, teknologjive Blockchain, NFT dhe Metaverse.
Microsoft Edge do të integroj një portofol kriptomonedhash
Microsoft thuhet se ka integruar kodin për një portofol Web3 në shfletuesin e tij të internetit Edge. Pamjet e kapura kanë zbuluar një portofol kriptomonedhash, një eksplorues aplikacioni të decentralizuar dhe aftësinë për të blerë kriptomonedha përmes Coinbase dhe MoonPay. Funksioni i fshehur fillon me tekstin nga Microsoft i cili thotë: "Ne ju inkurajojmë të testoni portofolin tonë të parë Web3 dhe të jepni reagime të sinqerta gjatë përdorimit".
