Bitcoin (BTC) ra 8% gjatë pasdites të ditës së mërkurë pas thashethemeve se portofolet e lidhura me bursën e falimentuar të kriptomonedhave Mt. Gox dhe qeverinë e SHBA-së po kryejnë transaksione.

Matrixport, ka kryer një analizë mbi shlyerjen e kreditorëve të Mt.Gox dhe impaktin e kësaj ngjarje në çmimin e Bitcoin-it. Sipas Matrixport, efekti i një ngjarje të tillë do të jetë i limituar dhe do të kishte efekt të kufizuar në çmimin e Bitcoin-it. Megjithatë, investitorët duhet të jenë të vetëdijshëm për shpërndarjen e Bitcoin-ëve.

Hakimi i Mt. Gox rezultoi në vjedhjen e 850,000 Bitcoin-ëve, me vlerë 500 milion dollarë në atë kohë dhe tani me vlerë 17.8 miliard dollarë, thuhet në raport, duke vënë në dukje se vetëm 200,000 Bitcoin janë rikuperuar.

“Meqenëse jo të gjitha BTC-të e vjedhura mund të rikuperoheshin, vetëm një pjesë e shumës origjinale të mbajtur nga kreditorët do të kompensohet”, shkroi Markus Thielen.

Kreditorët do të marrin një pagesë bazë me katër opsione për të marrë pjesën e mbetur të fondeve të tyre, thuhej në shënim.

Këto përfshijnë “shlyerjen e hershme të shumës së përgjithshme (ku klientët mund të rikuperojnë 15%-20% të fondeve të tyre të humbura), shlyerjen e fondeve të humbura përmes bankave, shlyerjen e fondeve për një pjesë të pretendimeve për rehabilitimin e kriptomonedhave, ose shlyerjen përmes një pale të tretë që ofron shërbimin e transferimit të fondeve.

30 shtatori është afati i fundit për shlyerjet, thuhet në raport, me 1.7 miliard dollarë para cash, 141,000 Bitcoin dhe 142,000 Bitcoin cash (BCH) do të shpërndahen mes kreditorëve.

Rënia e fundit e bankave rajonale dhe bankave të profilit të lartë kanë ngjallur shqetësime të reja në lidhje me cenueshmërinë e sistemit financiar global. Varësia jonë nga bankat për të menaxhuar paratë dhe pagesat na lë të ekspozuar ndaj një fuqie centralizuese që po tregon shenja tejkalimi.
Po sikur të kishte një alternativë për këtë sistem? A nuk mund të luanin kriptomonedhat një rol në mbrojtjen e individëve nga kolapset e bankave dhe ruajtjen e pasurisë së tyre?

Rreziku nga sistemi financiar

Kriza financiare e vitit 2008, e solli sistemin financiar në prag të kolapsit, duke lënë shumë njerëz me ndjenjën e të qenit në një “avion pa pilot”. Edhe pse sistemi financiar u shpëtua nga kolapsi në atë kohë, ne e gjejmë veten përsëri në të njëjtin plan metaforik sot. Rënia e tre bankave të mëdha, tërheqjet e konsiderueshme nga qindra banka rajonale dhe propozimi i një plani të ri nga Rezerva Federale e Shteteve të Bashkuara janë tregues të qartë se ky aeroplan po shfaq sërish shenja konsumimi.
Ndërsa mund të duket se sistemi bankar i SHBA-së nuk po shkon drejt një tjetër të njëjtë me atë të vitit 2008, pavarësisht brishtësisë së tij, është e rëndësishme të merret parasysh se bota është shumë më e madhe se Shtetet e Bashkuara. Në Liban, individëve u janë ngrirë asetet për shkak të besimit në një bankë, dhe në Qipro në 2013, autoritetet lokale vendosën një taksë 10% për tërheqjet.
Çdo vit, botës i kujtohen dobësitë dhe rreziqet e sistemit bankar. Individët që depozitojnë paratë e tyre të fituara me vështirësi nuk kanë zgjidhje tjetër veçse t’i besojnë bankës, pavarësisht nga potenciali i lartë për gabime. Politikanët fajësojnë bankierët e papërgjegjshëm, por historia ka treguar se vetë sistemi bankar është i prirur ndaj dështimeve dhe drejtimeve bankare gjatë periudhave të vështira, duke nxjerrë në pah një çështje sistematike dhe jo një problem të shkaktuar vetëm nga individë të pangopur ose të korruptuar. Nuk është çështja nëse do të ndodhë një dështim bankar, por çështja se kur.

Si ofrojnë kriptomonedhat një zgjidhje për këtë problem

Krijimi i Bitcoin-it në vitin 2009 ishte një përgjigje ndaj krizës financiare. Edhe pse Bitcoin fillimisht u pa si një formë revolucionare kundër sistemit financiar, ai ofroi gjithashtu zgjidhje për çështjet që shkaktuan krizën.
Një nga çështjet kryesore të bankingut tradicional është nevoja për ndërmjetës si bankat për të lehtësuar transaksionet. Kjo jo vetëm shton tarifat dhe kohën e transaksionit, por gjithashtu fut një element besimi në sistem. Me kriptomonedhat, individët mund të marrin kontrollin e aseteve të tyre dhe t’i mbajnë ato në portofolet e tyre, duke eliminuar nevojën për ndërmjetës si bankat. Kjo mundëson transaksione më të shpejta dhe me kosto më efektive, si dhe transparencë më të madhe mbi aktivitetet financiare.
Për më tepër, kriptomonedhat kanë rezultuar të jetë një zgjidhje e fuqishme gjatë kohëve në vështirësi të sistemit bankar, veçanërisht në vendet me besim të ulët në sistemin bankar. Në këto kontekste, kriptomonedhat ofrojnë një alternativë të qëndrueshme që u jep individëve kontroll më të madh mbi financat e tyre. Për shembull, gjatë krizës financiare në Greqi në vitin 2015, qytetarët iu drejtuan Bitcoin-it për të mbrojtur asetet e tyre, ndërsa sistemi bankar luftonte ndaj kërkesave të larta për tërheqje. Ky ishte një shembull i qartë se si kriptomonedhat mund të shërbejnë si një alternativë e qëndrueshme ndaj bankingut tradicional gjatë periudhave në vështirësi.

Në shumë mënyra, Bitcoin mund të shihet edhe si një version i përmirësuar i arit, i optimizuar për epokën dixhitale. Ndërsa lundrojmë në pasiguritë e sistemit tonë financiar, si pasagjerët në një aeroplan pa pilot, është e sigurt të dimë se ne kemi Bitcoin-in si një parashutë të mundshme financiare në rast krize, gjithashtu mund të themi me plot gojë se kriptomonedhat janë e ardhmja e ardhmja e botës financiare.
Kriptomonedhat kanë potencialin të na çojnë drejt një sistemi financiar më të qëndrueshëm. Kjo ndodh sepse ato eliminojnë nevojën për besim te ndërmjetësit dhe ofron një sistem vërtet neutral që mund të ekzistojë jashtë sistemit tradicional financiar, ashtu siç ka bërë ari për shumë vite.
Skeptikët argumentojnë se paqëndrueshmëria e çmimeve të aseteve dixhitale dhe lajmet që rrethojnë monedha në veçanti i bëjnë kriptomonedhat të papërshtatshme për të shërbyer si një komponent kyç i sistemit financiar global. Megjithatë, tendosja aktuale në sistemin bankar tregon se ky është një gabim. Në të gjithë globin, njerëzit kanë përfituar tashmë nga aftësia për të ruajtur vetë asetet, pa u mbështetur te bankat apo qeveritë.
Edhe pse kriptomonedhat nuk janë ende në një fazë ku mund të zëvendësojnë plotësisht sistemin tonë financiar, ato tashmë janë një aset praktik që mund të përdoren dhe të besohen gjatë periudhave të tendosjes së sistemit. Me qeveritë që prezantojnë monedhat dixhitale të Bankës Qendrore që mund të ofrojnë më pak privatësi dhe të pengojnë lirinë individuale, zotërimi i një aseti që ne vërtet e posedojmë dhe mund ta përdorim pa ndërmjetës është bërë edhe më thelbësor.

Rregullorja e kriptomonedhave ishte në qendër të vëmendjes këtë javë ndërsa BE-ja miraton legjislacionin e parë në botë për kriptomonedhat. Kryetari i SEC, Gary Gensler, është i shqetësuar për politikat e tij rreth kriptomonedhave. Ndërkohë, mbretëria e Butanit ka investuar fshehurazi në industrinë e kriptomonedhave. Këto histori dhe më shumë, këtë javë në botën e kriptomonedhave.

MiCA: BE miraton ligjin e parë të kriptomonedhave në botë

Ligjvënësit në Bashkimin Evropian kanë votuar në favor të legjislacionit të Tregjeve të Aseteve Dixhitiale për të krijuar një protokoll të ri licencimi për kriptomonedhat. Rregullat do të impononin një sërë kërkesash për platformat e kriptomonedhave, emetuesit e tokenave dhe tregtarët në lidhje me transparencën. Miratimi parlamentar i hap rrugën BE-së që të bëhet juridiksioni i parë i madh në botë që miraton një ligj gjithëpërfshirës për kriptomonedhat.

SEC padit Bittrex

SEC e SHBA ka paditur bursën e kriptomonedhave Bittrex për operimin e një burse kombëtare të paregjistruar. SEC pretendon se ish-CEO, William Shihara, ndihmoi emetuesit e tokenave të fshinin deklaratat publike që do t’i shtynin rregullatorët t’i hetonin tokenat si letra me vlerë. Bittrex deklaroi se letrat me vlerë nuk ofroheshin ose tregtoheshin në platformën e saj.

Kryetari i SEC lufton për mbrojtjen e politikave të tij ndaj kriptove

Në një seancë dëgjimore pesë orëshe të kongresit, kryetari i SEC-ut, Gary Gensler, u përpoq të mbronte politikat e agjencisë së tij për kriptomonedhat. Komiteti i bëri presion Gensler-it me pyetje nëse SEC po i shtynte shumë kompanitë e kriptomonedhave, duke nxitur inovacionin jashtë shtetit dhe duke rrezikuar konkurrencën amerikane. Kryetari i Komitetit Patrick McHenry qortoi Genslerin, duke thënë se rregullimi nga zbatimi nuk është as i mjaftueshëm dhe as i qëndrueshëm.

Monedha e qëndrueshme (stablecoin) arriti vlerën më të madhe në treg

TrueUSD, monedha e qëndrushme pak e njohur më parë, tani përbën çiftin më të madh tregtar Bitcoin në botë pasi vlera e saj e tregut është rritur me 1 miliard dollarë gjatë dy muajve të fundit. Një kuontribues kryesor në rritjen e saj ishte Binance, e cila hoqi promovimet e tregtimit të Bitcoin me tarifë zero në mars, me përjashtim të Bitcoin në TrueUSD, duke rritur kërkesën për monedhën e qëndrueshme.

Intel përfundon prodhimin e çipave për pajisjet e prodhimit të Bitcoin-it (Bitcoin mining)

Intel i ka dhënë fund prodhimit të çipave për prodhuesit e Bitcoin-it të quajtur Blockscale. Klientët mund të porosisin ende çipa të rinj, por dërgesat do të përfundojnë në prill të 2024. Hyrja fillestare e Intel në treg për çipat e pajisjeve prodhuese të Bitcoin-it erdhi në një kohë të papërshtatshme, pasi çipat e tij më në fund u bënë të disponueshëm pikërisht kur çmimi i Bitcoin-it u ul.

Çështja e Do Kwon të Terra Luna-s po shkon drejt fundit

Gati një muaj pas arrestimit të tij në Mal të Zi, Do Kwon, bashkëthemelues dhe CEO i Terraform Labs është vendosur para prokurorisë. Prokurorët kanë akuzuar Kwon se ka përdorur një pasaportë të rreme dhe dokumente të tjera identifikimi ndërsa tentoi të largohej nga vendi. Aktakuza e Kwon ka të ngjarë të komplikojë përpjekjet për ta ekstraduar atë në SHBA dhe Korenë e Jugut, ku ai përballet me akuza të shumta.

Mbretëria e Butanit investon fshehurazi në industrinë e kriptomonedhave

Krahu i investimeve të Qeverisë së Butanit, Druk Holdings and Investment, thuhet se ka investuar miliona në industrinë e kriptove. Dokumentet e gjykatës tregojnë se dega e investimeve sovrane të Butanit prej 2.9 miliard dollarësh ishte një klient i kompanive të falimentuara të kriptove BlockFi dhe Celsius. Mbretëria e Butanit bëri gjithashtu depozita dhe tërheqje me vlerë miliona dollarëshe në asete të ndryshme dixhitale, duke përfshirë Bitcoin, Ethereum dhe USDC.

ViAl, aplikacioni i gjeneratës Web3, po feston javën e ditëlindjes me një lojë argëtuese për të gjithë komunitetin. Loja përfshin 3 fitues dhe 3 kupona në vlerën totale 150 USDT. 3 kuponat do të postohen në zonën e ofertave (Ankandit) brenda aplikacionit të ViAl, dhe secili kupon do të jetë i disponueshem për 3 ditë. Të gjithë mund të marrin pjesë në këtë lojë dhe të bëhen pjesë e çmimeve shpërblyese, duke ofruar ViAl Points të mbledhura në ankandin e shpallur brenda aplikacionit.

Për të marrë pjesë në lojë, lojtarët duhet të:

1. Shkarkojnë aplikacionin në App Store ose Play Store
2. Pas regjistrimit, lojtarët fillojnë te fitojnë pikë duke ecur dhe duke qëndruar aktiv.
3. Të jenë të vëmendshëm me njoftimet që vijnë në aplikacion

Përveç kësaj, ViAl ka ndarë disa këshilla dhe truke të dobishme për të ndihmuar përdoruesit të rrisin shanset e tyre për të fituar duke fituar më shumë pikë:

1. Plotëso “V” çdo ditë
2. Lexo artikujt që postohen në app
3. Mos ndalo së ecuri xp

Ankandet zgjasin tre ditë, gjatë të cilave përdoruesit “luftojnë” me njëri-tjetrin duke ofruar pikë për të fituar çmimin e ankandit. Me mbarimin e kohës së ankandit, përdoruesi që ka ofruar më shumë pikë shpallet fitues dhe kuponi do mund ti shfaqet në seksionin e “Ankandeve të Fituara/Won Auctions”.

Pas kësaj prisni një email nga hello@vial.al në të cilin do ju kërkojmë një adresë për të dërguar USDT, në rrjetet TRX, BSC, MATIC.

Aplikacioni është një platformë fantastike për të promovuar një stil jetese të shëndetshme dhe për të inkurajuar njerëzit për të qëndruar aktiv, duke përfituar njëkohësisht nga shpërblimet e ndryshme. Me këtë lojë, ViAl synon të motivojë dhe frymëzojë përdoruesit e tij për besnikerinë dhe suportin që kanë treguar përgjatë këtij viti.

Prandaj, çfarë po pret? Shkarkoni aplikacionin, filloni të fitoni pikë dhe përgatituni për tu bërë pjesë e konkursit me pjesën tjetër të komunitetit për të fituar 1 nga 3 kuponat me vlerë USDT.

Për me shumë informacion ndiq faqen zyrtare të ViAl në Instagram @vialcommunity, komunitetin ne Telegram ose shkruaj një email në hello@vial.al.

MetaMask është një nga portofolet kryesore në botën e kriptomonedhave dhe mbështetet në integrimin me shfletuesit dhe dizajnin e mirë për të shërbyer si një nga portat kryesore që na mundëson lidhjen me botën e Web3, financave të decentralizuara (DeFi) dhe NFT-ve.

Përdoruesit mund të ruajnë dhe menaxhojnë Bitcoin, Ethereum dhe kriptomonedha të tjera duke përdorur një portofol dixhital. Një portofol dixhital mundëson transferimet e kriptomonedhave, parandalon vjedhjen e aseteve dixhitale dhe lejon përdoruesit të shkëmbejnë monedhat e tyre nëse është e nevojshme.

Me më shumë se 30 milion përdorues aktiv në muaj, MetaMask është portofoli më i përdorur në botë. MetaMask ofron një dobi jetike për tregtarët e kriptomonedhave, zhvilluesit dhe investitorët në industrinë e Blockchain-it.

Si të krijoni dhe të përdorni një llogari në MetaMask

MetaMask synon të ndihmojë përdoruesit e kriptomonedhave të krijojnë identitetin e tyre në internet. Shërbimi është i shpejtë dhe i lehtë për t’u përdorur, dhe procesi i konfigurimit të një llogarie të re është i shpejtë.

Hapi i parë që duhet të bëni është të instaloni MetaMask në shfletuesin tuaj. Pasi ta keni instaluar filloni regjistrimin dhe konfigurimin e llogarisë në MetaMask. Procesi i regjistrimit nis duke krijuar një fjalëkalim i cili duhet të jetë të paktën 8 karaktere i gjatë. Rekomandohet përdorimi i një fjalëkalimi krejtësisht unik që nuk është përdorur askund tjetër, dhe një që përmban një përzierje të shkronjave të mëdha dhe të vogla, simboleve dhe numrave. Lexoni dhe pranoni Kushtet e Përdorimit dhe klikoni “Create” pasi të jetë vendosur fjalëkalimi juaj. Më pas MetaMask do t’ju tregoj frazën prej 12 fjalësh e cila duhet shkruar me kujdes, me fjalët e regjistruara në të njëjtin rend të shfaqur në ekran. Kjo frazë do të jetë e nevojshme për të rikuperuar portofolin nëse humbni aksesin në kompjuter dhe duhet të ruhet diku e sigurt. Kushdo që ka akses në mbi frazën me 12 fjalë do të ketë akses në fondet në portofol, kështu që fraza duhet ruajtur në një vend privat dhe të sigurt. Klikoni “Next” pasi ta keni shkruar këtë. Më pas fraza e shkruar duhet konfirmuar duke vendosur fjalët në të njëjtin rend të ruajtur më parë. Klikoni “Confirm” pasi të keni përfunduar.

Pasi të hyni në llogarinë tuaj, mund ta lidhni atë me rrjetin e përzgjedhur nga ju. Për të shtuar një rrjet të ri, zgjidhni “Networks” dhe më pas kliko “Add networks”. Pasi të jetë shtuar rrjeti, mund të shtohen edhe tokena në llogarinë tuaj të bazuar në atë rrjet.

MetaMask ofron disa shërbime siç janë dërgimi, marrja e kriptomonedhave dhe shkëmbimi i tyrebrenda rrjetit të përzgjedhur nga ju. Për të dërguar kriptomonedha është shumë e thjeshtë. Mjafton të klikoni butonin “Dërgo”, të fusni adresën e marrësit dhe shumën për të dërguar dhe të zgjidhni një tarifë transaksioni. Ju gjithashtu mund të rregulloni manualisht tarifën e transaksionit duke përdorur butonin ‘Advance Options’ ndërsa për të marrë kriptomonedha mjafton të kopjoni adresën tuaj dhe tja dërgoni dërguesit të kriptomonedhave.

Çfarë avantazhesh ofron MetaMask?

MetaMask ofron një portofol të sigurt dhe të përshtatshëm. Si një aplikacion me burim të hapur, MetaMask është një mjet i besueshëm me një ndërfaqe përdoruesi të lehtë për t’u naviguar dhe mbështetje të qëndrueshme ndaj klientit. Ai u ofron përdoruesve kontroll të plotë dhe qasje në fondet e tyre në pajisjet lokale. Sidoqoftë, duhet të mbani mend një sërë fjalësh që do të vërtetojnë identitetin tuaj. Ky portofol përdoret gjerësisht nga njerëzit që duan të bëjnë pagesa të sigurta përmes kriptomonedhave. Është i sigurt për t’u përdorur sepse funksionon mbi Blockchain.

MetaMask gjithashtu ju lejon të ndërveproni me aplikacione të shpërndara në shfletues si Chrome, Firefox, Opera dhe Brave. Ai do të ruajë të gjitha asetet dixhitale dhe do t’ju lejojë të ndërveproni me aplikacione të decentralizuara (dApps) pa pasur nevojë të krijoni llogari të veçanta. Kjo eliminon nevojën për të shkarkuar të gjithë Blockchain-et, minimizon rrezikun nga malware dhe mbron informacionet tuaja personale. Siç nënkupton edhe emri, MetaMask është një portë hyrëse në botën e aplikacioneve të decentralizuara. Ndryshe nga bursat e centralizuara, MetaMask lidhet me aplikacione të decentralizuara dhe kontrata inteligjente.

Megjithëse MetaMask ofron shumë përparësi, ai është gjithashtu i prekshëm nga sulmet ‘phishing’. Sulmet phishing janë krijuar për të vjedhur informacionet personale. Për të shmangur një sulm të tillë, duhet përdorur fjalëkalime të forta dhe të bëhet identifikimi vetëm nga faqja zyrtare e MetaMask sepse ka një mekanizëm të brendshëm mbrojtës që bllokon sulmet ‘phishing’. Një avantazh tjetër i MetaMask është lehtësia e përdorimit të tij. Ndryshe nga portofolet harduerik, softueri është i lehtë për t’u instaluar dhe përdorur. Është gjithashtu falas për t’u përdorur, dhe mund të konfiguroni sa llogari të dëshironi por, MetaMask nuk mbështet një sërë kriptomonedhash, kjo mund të jetë një nga të metat e vetme të tij.

Ky vit solli fillime të reja, pasi tregu i kriptomonedhave u zgjua nga letargjia e vitit 2022, duke u rritur rreth 48.9%. Kapitali total i tregut u rrit nga 831.8 miliard dollarësh më 1 janar 2023 në 1.238 trilion dollarë më 31 mars 2023. Edhe pse rruga nuk ishte aq e lehtë, kjo ecuri përmbysi humbjet që erdhën si pasojë e kolapsit të FTX-it. Çmimet e Bitcoin (BTC) dhe Ethereum (ETH) tani janë respektivisht rreth 30,000 dhe 2,000 dollarë, me BTC që po performon veçanërisht mirë, duke u rritur rreth 77% këtë tremujor.

Raporti gjithëpërfshirës i realizuar nga CoinGecko mbi industrinë e kriptomonedhave për tremujorin e parë të vitit 2023 mbulon gjithçka, duke nisur me analizën e tregut të kriptomonedhave, analizimin e ekosistemeve të financave të decentralizuara (DeFi), NFT-ve dhe analizimin e performancës së bursave të centralizuara (CEX) dhe ato të decentralizuara (DEX).

Lexoni artikullin e plotë në linkun mëposhtë:

https://www.coingecko.com/research/publications/2023-q1-crypto-report

Përmirësimi i shumëpritur i Ethereum bën që çmimi i Altcoin-eve të rritet, Twitter-i mundëson investimet në industrinë e kriptomonedha ndërsa bursa Bitrue u hakua. Këto histori dhe më shumë, këtë javë në botën e kriptomonedhave.

Përmirësimi i Ethereum në Shanghai nxit rritjen në treg

I gjithë tregu i kriptove u rrit këtë javë, duke arritur çmimet më të larta që nga qershori i vitit të kaluar. Përmirësimi Shanghai u kompletua në Blockchain-in e Ethereum-it, duke u mundësuar përdoruesve që kishin depozituar Ethereum tërheqjen e tyre. Megjithatë, deri tani tërheqjet nuk kanë qenë të konsiderueshme sa për të shkaktuar ulje çmimesh në treg, duke sinjalizuar besimin ndaj industries së kriptove.

Twitter mundëson investimin në kriptomonedha

Twitter do t’u japë përdoruesve mundësinë për të blerë dhe shitur kripto nga platforma kryesore tregtare, eToro. Funksioni është i disponueshëm duke përdorur veçorinë e tij “cashtag”, duke shtuar shenjën e dollarit përpara treguesit të kriptove. Ky është hapi i parë i Elon Musk për ta kthyer Twitter-in në një super aplikacion, duke u ofruar përdoruesve të tij shërbime financiare në mediat sociale.

Bursa me bazë në Singapor, Bitrue është hakuar

Bursa e kriptove me bazë në Singapor, Bitrue, u hakua. Sulmuesi ishte në gjendje të tërhiqte asete me vlerë 23 milion dollarë. Bursa ka bllokuar lëvizjet e fondeve dhe po heton situatën. Sipas Bitrue, portofoli i prekur mban më pak se 5% të fondeve të saj të përgjithshme dhe se asnjë nga portofolet e tjerë të saj nuk është komprometuar.

SEC ka njoftuar se platformat e decentralizuara do të cilësohen si bursa

Komisioni Amerikan i Letrave me Vlerë dhe Shkëmbimeve komentoj publikisht mbi propozimin e tij për të zgjeruar përkufizimin e “bursave”. SEC sqaroi se rregullat e saj ekzistuese zbatohen për platformat e decentralizuara të kriptomonedhave. SEC votoi për të marrë komente shtesë nga publiku pasi firmat e kriptomonedhave kritikuan planin e tyre, duke thënë se platformat DeFi nuk duhet t’i nënshtrohen mbikëqyrjes së rregullatorit.

Tokeni FTT rritet pas lajmeve se FTX mund të rihapet

Çmimi i tokenit FTT është rritur si pasojë e deklaratave të avokatët të FTX-it të cilët thane se bursa tashmë e falimentuar mund të rihapet. Duke folur këtë javë gjatë çështjes gjyqësore të FTX-it, avokati, Andy Dietderich, tha se një opsion i mundshëm që po diskutohet është që të lejohen kreditorët e FTX-it të konvertojnë një pjesë të zotërimeve të tyre në një aset i cili do tu jap të drejtë në zotërimin e një pjesë aksionesh të bursës së rihapur.

CryptoGPT e fokusuar në sektorin e AI mbledh 10 milion dollarë

Një projekt i ri, CryptoGPT, ka përfituar nga përfolja rreth inteligjencës artificiale duke mbledhur fonde me vlerë 10 milion dollarë. CryptoGPT kohët e fundit lançoi asistentin e tij të inteligjencës artificiale të fokusuar në Web3, “Alex”, dhe po zhvillon një motor të dhënash në AI për të lejuar përdoruesit të fitojnë para nga të dhënat e tyre përmes fitnesit, takimeve, lojërave dhe edukimit.

Mastercard fillon projektin e NFT-ve për Artistët

Mastercard ka filluar të prodhojë NFT-të e veta që i japin përdoruesit akses në programin  Mastercard Artist Accelerator, i krijuar për të mbështetur muzikantët. I zhvilluar në bashkëpunim me Polygon, projekti i NFT-ve nënvizon synimin e Mastercard për të përqafuar kulturën Web3. Mastercard nuk zbuloi muzikantët pjesëmarrës, pasi ata ende nuk ishin zgjedhur.

Me adoptimin në rritje të kriptomonedhave në mbarë botën shtohen edhe platformat e reja për mbledhjen e fondeve (Launchpad). Platformat për të rritur fondet i lejojnë investitorët e kriptove të zbulojnë dhe investojnë në projekte kripto në fazat e hershme përpara se ato të listohen publikisht. Si rezultat, ata mund të blejnë token me çmim të lirë dhe të përfitojnë më shumë kur vlera e tyre rritet.

Launchpad-et lejojnë themeluesit e projekteve të kriptove të ndërtojnë ndërgjegjësimin dhe të gjenerojnë kapital për kompanitë e tyre me një çmim të vogël. Për më tepër, ata u ofrojnë investitorëve dhe themeluesve një platformë të sigurt për të zbuluar dhe për tu lidhur me njëri-tjetrin.

Çfarë është një kripto launchpad (platformë për të rritur fonde)?

Një kripto launchpad, është një platformë e decentralizuar e bazuar në bursa ku prezantohen projektet e kriptove dhe mund të rrisin fonde. Përpara se të listohen publikisht, shitjet e tokenave në faza të hershme vihen në dispozicion të investitorëve përmes launchpad-eve. Investitorët e shohin këtë si një shans të shkëlqyeshëm për të përfituar nga një rritje e çmimeve në të ardhmen duke blerë tokenin me çmim më të ulët dhe duke e shitur atë me çmim më të lartë më vonë. Për shkak se kostoja e nisjes është kaq minimale, platforma gjithashtu mund të tërheqë më shumë projekte kripto të cliët janë të interesuar për rritjen e fondeve.

Si funksionon një kripto launchpad?

Platformat e rritjes së fondeve për projektet e kriptove ekzistojnë për të lidhur projektet e kriptomonedhave dhe komunitetet e interesuara. Launchpad-et ndihmojnë themeluesit të mbledhin para nga përdoruesit dhe investitorët e mundshëm dhe u japin investitorëve një shans për të maksimizuar fitimin e tyre nga investimi. Transparenca dhe siguria janë dy karakteristika kryesore që tërheqin investitorët. Përdoruesit që krijojnë një llogari të re zakonisht do t’i nënshtrohen një procesi KYC për të verifikuar identitetin e tyre. Kjo procedurë gjithashtu e bën më të vështirë për dikë që të manipulojë sistemin. Çdo platformë do të ketë grupin e vet të projekteve të kriptomonedhave të zgjedhura përmes statusit aktual të tyre. Investitorët e interesuar duhet të jenë në gjendje të kenë akses në informacione të rëndësishme rreth këtyre projekteve, si çmimi dhe data e lëshimit. Investitorët do të jenë gjithashtu në gjendje të blejnë tokena specifik pasi të fillojë shitja e tyre.

Cilat janë përfitimet e kripto launchpads?

Launchpad-et ofrojnë mundësinë investitorëve për të investuar herët në projektet e kriptomonedhave. Përfitimet e tjera që ato ofrojnë janë:

• Tarifa të ulëta: Disa launchpade kërkojnë vetëm një tarifë të ulët, ndërsa të tjerët nuk kërkojnë asgjë për listimet. Disa platforma e bëjnë të shpejtë dhe të lehtë fillimin e një projekti duke ulur barrierat për hyrjen.

• Siguria: Launchpad-et i kontrollojnë plotësisht përdoruesit dhe projektet, duke i mbrojtur të gjithë. Gjithashtu nuk ka gjasa që të ndodhë një shkelje, sepse investitorët kanë pronësi absolute të aseteve të tyre dhe launchpad-et nuk ruajnë fondet e përdoruesve.

• Nuk ka periudhë pritjeje: Tokenat janë të disponueshëm menjëherë pas blerjes pa pasur nevojë për një periudhë përpunimi.

Karakteristikat e një kripto launchpad-i të mirë

Përpara se të investoni është e rëndësishme të bëni disa kërkime mbi platformën e duhur.

Për investitorët

Për investitorët që duan informacion nëse këto projekte janë të sigurta, fitimprurëse dhe do të marrin një kthim të mirë nga investimi, është jetike të kontrollojnë përkushtimin e launchpad-eve për sigurinë. Platforma duhet të ndjekë protokollet strikte të sigurisë, të përdorë kontrollet KYC dhe të ndërmarrë hapa të tjerë për të mbrojtur informacionin personal. Shuma minimale e depozitimeve dhe përfitimet e lidhura me çdo platformë do të ndryshojnë, kështu që nevojitet një analizë e kujdesshme përpara se të vendosin.

Për themeluesit

Themeluesit e interesuar që lançojnë projektin e tyre në launchpade duhet të vlerësojnë se sa mirë platforma i promovon projektet dhe nëse komuniteti është apo jo mbështetës. Përveç kësaj, është thelbësore të kontrollohet procesi i verifikimit të projektit, kriteret dhe sa të drejta dhe reale janë kushtet e platformës.

E ardhmja e launchpad-eve të kriptove

Launchpad-et janë platforma të reja të krijuara për të ndihmuar në lehtësimin e financimit të projekteve. Ata synojnë të zbusin mosbesimin rreth kriptomonedhave dhe të rrisin besimin e investitorëve. Duke refuzuar mashtruesit dhe duke promovuar projekte legjitime të kriptove, ata ndihmojnë në përmirësimin e tregut dhe u ofrojnë investitorëve një ndjenjë sigurie, e cila është e dobishme për investitorët dhe themeluesit. Për investitorët, ai ndihmon në uljen e rreziqeve, ndërkohë që u jep themeluesve mundësi shtesë për të tregtuar projektet e tyre. Zhvillimi i këtyre platformave duhet ta bëjë më të lehtë dhe më të sigurt investimin në kriptomonedha. Dhe nga interesimi në rritje i investitorëve, shpresohet që industria e kriptomonedhave të vazhdojë të rritet.

Përmirësimi Shanghai i Ethereum është padyshim një nga ngjarjet më të rëndësishme në industrinë e kriptove në 2023.

Siç e dimë, rrjeti ka dy shtresa: shtresën e ekzekutimit dhe shtresën e konsensusit. E para dikur ishte ajo kryesore me të cilën Ethereum u zhvillua përpara Ethereum Merge, ndërsa shtresa e konsensusit njihej gjithashtu si Beacon.

Përmirësimi Shangai po merr pjesë në të dyja shtresat. Shanghai po ndodh në shtresën e ekzekutimit, ndërsa Capella është në atë të konsensusit. Kombinimi i të dy emrave na jep “Shapella”.

Përmirësimi i Shangait do të prezantojë një mekanizëm kryesor në rrjetin e Ethereum gjithashtu do të sjell përmirësime edhe në disa nga EIP-ët por, më e rëndësishme është EIP-4895.

Çfarë është EIP-4895 në përmirësimin Shanghai?

Ndërsa aktualisht po funksionon në bazë të Provës së Depozitimeve (PoS) , Ethereum po përdorte algoritmin e konsensusit të Provës së Punës (PoW) shumë përpara se të ndodhte Merge, por planet për tranzicion ishin në lojë për shumë vite kur zhvilluesit krijuan të ashtuquajturin Beacon. Beacon ishte dhe është ende i siguruar nga PoS. Për të ruajtur integritetin e tij, për ta lejuar atë të funksionojë siç synohet dhe të kryejë transaksione dhe kontrata inteligjente ai kishte nevojë për vërtetues. Prandaj, ata që donin të merrnin pjesë në të ardhmen e të ashtuquajturit Ethereum 2.0 ishin në gjendje të depozitonin 32 ETH për të siguruar Beacon-in.

U deshën vite që ekipi të realizojë me sukses Ethereum Merge, dhe tani, përmirësimi i Shanghait, përmes EIP-4895, më në fund do t’i lejojë validuesit të zhbllokojnë Ethereum-et e tyre.

Kontrata e depozitimit të Beacon, përmban rreth 18 milion ETH, që përbën afërsisht 15% të ofertës totale në qarkullim. Validuesit do të jenë të lirë të tërheqin depozitimet e tyre megjithëse mes disa konsideratash. Nga tërheqjet depozitimet do të bëhen tërësisht likuide. Kjo e bën këtë EIP të veçantë shumë të rëndësishëm dhe mbart implikime masive.

Si do të funksionojnë tërheqjet ETH?

Siç u përmend më lart, do të ketë disa konsiderata kur tërheqjet të jenë të mundura. Së pari, do të ketë dy lloje tërheqjesh, të plota dhe të pjesshme. Tërheqjet e plota i lejojnë validuesit të tërheqin plotësisht depozitimet e tyre, duke marrë të gjithë bilancin e Ethereum-eve, duke përfshirë 32 ETH fillestarë, si dhe çdo shpërblim që mund të kenë grumbulluar.

Tërheqjet e pjesshme do t’i lejojnë validuesit të kenë akses në tepricën (balancat mbi 32 ETH) të nevojshme për të ekzekutuar një nyje. Brenda çdo blloku të vetëm që shtohet në rrjet, 16 vërtetues do të mund të bëjnë tërheqje të pjesshme. Gjithsej 1,800 vërtetues do të jenë në gjendje të heqin plotësisht depozitimet e tyre.

Përmirësimet e tjera që sjell Shanghai

Përmirësimet e tjera të propozuara synojnë uljen e tarifave të gazit gjatë periudhave të mbingarkesës dhe aktivitetit shumë të lartë të rrjetit.

EIP-3855 është projektuar për të prezantuar një udhëzim të ri që synon uljen e kostove të gazit, por më shumë për zhvilluesit. Propozimi tjetër, EIP-3860, synon të ulë tarifat në raste të tjera, dhe e njëjta gjë është e vërtetë për EIP-6049 por, për një masë të caktuar.

Përmirësimi Shanghai (Shapella) është një zhvillim historik për Ethereum-in, në rrugën e tij drejt arritjes së sigurisë, decentralizimit dhe shkallëzueshmërisë. Ai gjithashtu heq një barrë të madhe për validuesit dhe do të ofrojë një pamje të qartë për gjendjen e rrjetit pasi ata të kenë mundësinë për të hequr lirisht depozitimet e tyre.

Bizneset përballen me disa probleme gjatë ruajtjes së të dhënave. Ka probleme të mëdha teknike dhe kostoje në shkallëzimin e infrastrukturës. Duhet gjithashtu të merret me probleme komplekse në përputhshmërinë dhe sigurinë e të dhënave. Këto sfida kanë çuar në shfaqjen e një modeli të ruajtjes në ‘cloud’ e cila ofron siguri, kursim dhe thjeshtësi. Këto të dhëna ruhen në applikacione si Dropbox, Sync dhe Google Drive, aplikacione të cilat i ruajn këto të dhëna në sisteme të centralizuara si Amazon Web Service apo Azure. Mbajtja e të dhënave në një sistem të centralizuar mund të sjell probleme si: dështimi të rrjetit ose i pajisjeve harduerike, sulmeve kibernetike, etj.

Ruajtja e decentralizuar e të dhënave është shfaqur si një alternativë ndaj opsioneve të centralizuara. Mundësuar nga teknologjia Blockchain, aplikacionet e decentralizuara të ruajtjes së të dhënave po rezultojnë të jenë mjaft të dobishme në një epokë kur operacionet e biznesit varen nga efikasiteti në trajtimin e të dhënave.

Çfarë është ruajtja e decentralizuar e të dhënave?

Ruajtja e decentralizuar e të dhënave bazohet në Blockchain, në vend që të mbështetet në një entitet të vetëm të centralizuar. Të dhënat ruhen në nyje të ndryshme në një rrjet të decentralizuar dhe jo në një server të vetëm nën kontrollin e një autoriteti të vetëm. Kjo rrit sigurinë dhe besueshmërinë duke siguruar që të dhënat të shpërndahen dhe të mbrohen kundër gabimeve dhe rreziqeve të tjera të mundshme. Opsionet e decentralizuara të ruajtjes gjithashtu u japin njerëzve pronësi dhe kontroll të plotë mbi të dhënat e tyre, në vend që të mbështeten te një palë e tretë për t’i menaxhuar dhe mbajtur ato.

Si funksionon ruajtja e decentralizuar e të dhënave?

Për ta kuptuar sesi ruhen të dhënat do të marim shembull StorX-it. I strukturuar si një grup rrjetesh ruajtjeje autonome, StorX nuk ka asnjë operator të vetëm që ka akses të plotë në të dhënat që i përkasin një përdoruesi të vetëm. Duke qenë se operatorë të ndryshëm mbajnë fragmente të dhënash, nuk ka asnjë mbajtës të vetëm që ka ndikim joproporcional, duke rritur sigurinë e të dhënave. Rrjeti ka mbrojtje të integruar të privatësisë për të dhënat personale që u përkasin përdoruesve të veçantë.

Gjatë ngarkimit një skedari në rrjet, gjenerohet një çelës privat unik, enkriptohet skedari dhe ndahet në fragmente të shumta dhe shpërndahet midis nyjeve të pavarura. Rrjeti krijon kopje të shumta të këtyre fragmenteve, gjë që siguron që në rast se një nyje nuk është e disponueshme, fragmentet e të dhënave mund të merren nga nyjet alternative. Sa herë që një përdorues dëshiron të marrë skedarët, ai përdor kredencialet për të aktivizuar çelësat privatë për të ribashkuar skedarin dhe për të marrë akses. Rrjeti përdor tokenat SRX si një mjet pagese.

Kujdes: StorX është marrë vetëm për shembull në këtë artikull, nuk është këshillë investimi.

Sistemet e decentralizuara të ruajtjes kundrejt atyre të centralizuara

Dizajni i platformave të decentralizuara të ruajtjes i bën ato një zgjedhje më të mirë se sistemet e centralizuara. Disa karaktersitika të sistemeve të decentalizuara janë:

Ruajtja e të dhënave kritike

Ndërsa sistemet e centralizuara të ruajtjes janë të prirur ndaj mashtrimeve dhe kufizimeve, një rrjet i decentralizuar që përfshin globalisht nyje të aftë të ruajë të dhëna kritike. Sistemet e decentralizuara e kufizojnë aksesin e të dhënave nga publiku. Vetëm pronari i të dhënave ose personat të cilëve u është dhënë akses mund t’i rikuperojnë të dhënat e ruajtura në llogarinë e tyre nëpërmjet çelësave privatë.

Përdorimi i enkriptimit

Sistemet e decentralizuara përdorin enkriptimin e përmbajtjes dhe të transportit të të dhënave, gjë që i bën ato më të sigurta. Disa sisteme të centralizuara të ruajtjes janë përpjekur të konkurrojnë me sistemet e decentralizuara duke krijuar zgjidhje hibride të decentralizuara d.m.th., duke transferuar vendimmarrjen në një rrjet të shpërndarë.

Ruajtja e avancuar në cloud

Në ruajtjen konvencionale në cloud, të dhënat ruhen në një server të vetëm skedarësh të vendosur në një vendndodhje gjeografike. Megjithatë, të dhënat e decentralizuara e fragmentojnë skedarin në pjesë të shumta që shpërndahen në vende të ndryshme në mbarë botën. Meqenëse ruajtja e decentralizuar nuk ka asnjë pikë të vetme dështimi, ajo ka aftësinë t’i rezistojë ndërprerjeve të shumta të njëkohshme apo edhe censurës.

Shpejtësia

Në sistemet e centralizuara, shpejtësia varet nga faktorë të shumtë, si lidhja dhe numri i procesorëve që funksionojnë në server. Megjithatë, në një sistem të decentralizuar sistemi kërkon rrjetin dhe merr të dhëna nga nyjet më të afërta, duke rezultuar në shpejtësi optimale të marrjes së të dhënave.

E ardhmja e sistemeve të decentralizuara të ruajtjes

Sistemet e decentralizuara të ruajtjes mund të fitojnë shumë popullaritet në të ardhmen, pasi ato ofrojnë më shumë përfitime sesa sistemet tradicionale të ruajtjes së centralizuar, të tilla si rritja e sigurisë, privatësia e të dhënave dhe besueshmëria e përmirësuar. Ato gjithashtu kanë potencialin për të reduktuar kostot dhe për të rritur aksesin në burimet e ruajtjes.

Për më tepër, sistemet e decentralizuara të ruajtjes parashikohen të përmirësohen në shkallëzueshmërinë, sigurinë dhe përdorshmërinë në të ardhmen, duke i bërë ato më tërheqëse për një spektër më të madh përdoruesish, duke përfshirë individë dhe organizata.