Komisioni i Shkëmbimeve dhe Letrave me Vlerë (SEC) paditi të hënën Binance, bursën më të madhe të kriptomonedhave në botë, duke pretenduar se kompania operonte një platformë të paligjshme tregtare në SHBA dhe keqpërdorte fondet e klientëve. Padia e SEC emëroi gjithashtu Changpeng Zhao, themeluesin e Binance, si të paditur. SEC tha se Binance dhe Zhao keqpërdorën fondet e klientëve dhe i devijuan ato te një njësi tregtare që kontrollonte Zhao. Sigma Chain, u angazhua në tregti manipuluese që e bëri vëllimin e Binance të dukej më i madh se sa ishte në të vërtetë, tha SEC.

Binance gjithashtu mendohet se kishte përdorur fondet e klientëve duke i dërguar ato te një pale të tretë, Merit Peak, e cila ishte në pronësi të Zhao, pretendoi SEC. Wall Street Journal raportoi vitin e kaluar se SEC po shqyrtonte marrëdhëniet midis Binance.US, Sigma Chain dhe Merit Peak. SEC gjithashtu e akuzoi Binance-n edhe për shitje të aseteve të cilësuara si ‘letra me vlerë’ me dokumenta jo të rregullta duke përfshirë këtu edhe tokenin e Binance (BNB) dhe monedhën e qëndrueshme (BUSD).

“Ky do të jetë një rast historik,” tha Kurt Gottschall, një partner në Haynes dhe Boone dhe ish-kreu i zyrës së SEC në Denver. “SEC duket se është shumë i shqetësuar për përzierjen e fondeve të klientëve.” Për momentin këto janë vetëm pretendime të SEC, por situata po paralelizohet me incidentin e FTX-it. Sido që të jetë kjo është një goditje e madhe për Binance.

Në një njoftim në Twitter, Binance prentendoi se akuzat e SEC janë të gabuara dhe se do ta përballoj çështjen bazuar në ligjet e duhura, gjithashtu CZ shkroi se shpresonte që SEC të ishin duke gabuar për paditë e ngritura ndaj Binance. Duke marrë parasysh ecurinë e ngjarjeve, përballja mes SEC dhe Binance mund të përfundoj në një nga rastet mëposhtë:

1. Nëse pretendimet e SEC janë të vërteta atëherë Binance do të përballej me fatin e FTX-it. CZ do të përballej me akuza të rënda kriminale duke goditur rëndë industrinë e kriptomonedhave.
2. Nëse Binance ka thyer rregullat, por fondet e klientëve nuk janë keqpërdorur ashtu siç SEC pretendon, SEC mund të ndalojë operimin e Binance-s në SHBA përmes gjobave të rënda.
3. Binance rregullon marrëdhëniet me rregullatorët dhe vazhdon operimin e saj në SHBA. Kjo do të jetë një fitore e madhe jo vetëm për Binance, por për të gjithë industrinë e kriptomonedhave.

Elon Musk përballet me akuza të reja për tregtimin e Dogecoin. Coinbase thotë se AI mund të përfitojë nga kriptomonedhat, ndërsa një portofol kriptomonedhash hakohet. Këto histori dhe më shumë, këtë javë në botën e kriptomonedhave.

Bitcoin-i shënon muajin e parë negativ për vitin 2023

Bitcoin dhe Ether përjetuan secili muajin e tyre të parë negativ të vitit, si pasojë e shqetësimeve të tavanit të borxhit të SHBA-së. Bitcoin e mbylli muajin me një rënie prej 8%, muaji i tij më i keq që nga nëntori 2022, ndërsa Ethereum u ul me vetëm 2%. Çmimet e kriptomonedhave lëvizën në përputhje me çmimet e aksioneve kryesore.

Tether arrinë kapitalin më të lartë të të gjitha kohërave

Kapitali i tregut të Tether ka arritur nivelin më të lartë të të gjitha kohërave, plot 83 miliard dollarë. USDT ka rikuperuar 18 miliard dollarët që humbi si pasojë e rënies së Terrës majin e kaluar. Kapitali total i tregut të monedhave të qëndrueshme (stabelcoins) ka rënë në 130 miliard dollarë nga 200 miliard dollarë që ishte një vit më parë.

Elon Musk përballet me akuza të reja lidhur me DOGE

Elon Musk po përballet me akuza të reja në një padi të ngritur nga investitorët, të cilët thonë se Musk përdori ndikimin e tij për të manipuluar çmimin e Dogecoin. Akuzat përqendrohen rreth vendimit të Musk për të shitur zotërimet e tij me vlerë rreth 124 milion dollarë në DOGE menjëherë pasi ai ndryshoi logon e Twitter në simbolin e Dogecoin, duke e rritur çmimin e Dogecoin-it me 30%.

Hong Kongu dhe Emiratet e Bashkuara Arabe bashkëpunojnë për rregullimin e kriptomonedhave

Bankat qendrore e Hong Kongut dhe Emirateve të Bashkuara Arabe po bashkëpunojnë për rregullimin e kriptomonedhave dhe zhvillimin e teknologjisë financiare. Qëllimi i tyre është të forcojnë bashkëpunimin ndërmjet dy juridiksioneve në lidhje me këto çështje. Bankat qendrore diskutuan gjithashtu iniciativat e përbashkëta të zhvillimit të teknologjisë dhe përpjekjet për ndarjen e njohurive midis qendrave të inovacionit të çdo rajoni.

Binance humbet një pjesë të konsiderueshme të vëllimit të tregtimit global

Binance, bursa më e madhe e kriptomonedhave në botë, ka humbur një të katërtën e vëllimit të tregtimit në treg gjatë tre muajve të fundit. Në shkurt bursa arriti të kontrollonte 57% të vëllimit mujor të tregtimit global të kriptomonedhave, por tani kontrollon vetëm 43%. Rënia ka ardhur si pasojë e përballjeve intensive të bursës me rregullatorët amerikanë.

Coinbase: AI mund të përfitojë nga kriptomonedhat

Në një studim të fundit, Coinbase renditi një sërë rastesh të përdorimit të mundshëm të inteligjencës artificiale dhe kriptomonedhave, duke thënë se kombinimi i të dyja teknologjive është një mundësi e mirë. Raporti ofron shembuj të tillë si tregjet e decentralizuara të të dhënave dhe manipulimet e çmimeve të tokenave, ku AI mund të ndihmojë për të parandaluar disa nga mashtrimet dhe çështjet e sigurisë që kanë pllakosur industrinë.  

Hakimet e Portofolit Atomic arrijnë vlerën e 35 milion dollarëve

Përdoruesit e Portofolit Atomic filluan të raportojnë mëngjesin e të shtunës në Twitter dhe në kanalin e zhvilluesve në Telegram se kriptomonedhat ishin vjedhur nga portofolet e tyre Atomic. Zhvilluesit e Atomic Wallet po hetojnë raportet e vjedhjes së kriptomonedhave nga portofolet e përdoruesve. Sipas raporteve vlera e kriptomonedhave të vjedhura arrinë rreth 35 milion dollarë.

Një tjetër entuziastë kriptomonedhash është gjetur i vdekur

Një entuziast dhe themelues i kriptomonedhës ‘Onfo’ u gjet i vdekur në një liqen të Arkansas me një plagë me armë zjarri, një javë pasi u zhduk në Misuri. Dr. John Forsyth ishte një adoptues i hershëm i Bitcoin dhe një kritik i zëshëm i dollarit amerikan. Vdekja e Forsyth i shtohet serisë së vdekjeve misterioze të entuziastëve të kriptomonedhave që kanë ndodhur gjatë vitit të kaluar.

Të qenit më të shëndetshëm do të thotë të bësh zgjedhjet e duhura, shumë nga të cilat janë në duart e gjithsecilit prej nesh. Mosha, historia familjare dhe gjenetike mund të ndikojnë në shëndetin e gjithsecilit duke e bërë atë më të prirur ndaj komplikacioneve. Përveç tyra ka edhe disa faktorë që mund të kontrollohen, shumë prej të cilëve luajnë rol kyc në të qenit të shëndetshëm. Mëposhtë janë renditur 5 këshilla të mbështetura në studime shkencore që çdokush mund ti ndjeki për të pasur një jetesë më të shëndetshme.

1. Ecja

Nëse doni të ndiheni më të shëndetshëm, energjikë ose me humor më të mirë, ecni. Ushtrimet e rregullta mund të sjellin përfitime si për shëndetin tuaj fizik ashtu edhe atë mendor.

Sipas Departamentit Amerikan të Shëndetësisë dhe Shërbimeve Njerëzore, një personi të rritur i mjaftojnë vetëm 150 minuta aktivitet fizik në javë me intensitet të moderuar, ose 75 minuta në javë aktivitet aerobik me intensitet të lartë, që të ndikojnë pozitivisht në shëndetin tuaj.

Vetëm 22 minuta aktivitet në ditë me intensitet të moderuar, si ecja e shpejtë, vallëzimi, çiklizmi, apo edhe kryerja e punëve në oborr apo punët e shtëpisë do të japin rezultate pozitive në shëndetin e gjithësecilit. Aktiviteti i rregullt fizik mund të ndikojë pozitivisht në shumë mënyra si për shembull, mund të: përmirësojë shëndetin e zemrës, ndihmojë me menaxhimin e peshës, forcimin e kockava dhe muskujve, zvogëlojë rrezikun e sëmundjeve kronike

2. Ushqyerja shëndetshëm

Ushqimet e shëndetshme janë ato ushqime që nuk janë përpunuar apo ndryshuar nga trajta e tyre natyrore. Ato nuk përmbajnë kimikate, përbërës artificialë apo ngjyrues të cilët i japin një pamje e shije më të pëlqyer ose t’u japin atyre më shumë jetëgjatësi të gjatë.

Në përgjithësi, ushqimet e shëndetshme i sigurojnë trupit më shumë vitamina, minerale dhe lëndë ushqyese thelbësore krahasuar me ushqimet e përpunuara, për shkak se ato janë më të ushqyeshme, i sigurojnë trupit më shumë energji si dhe ulin rrezikun e komplikacioneve shëndetësore.

3. Duhanpirja

Shkaktari kryesor i vdekjeve të parandalueshme në Shtetet e Bashkuara është duhanpirja. Sipas CDC, përdorimi i duhanit përbën gati 1 në 5 vdekje në SHBA çdo vit dhe vlerësohet se duhanpirësit vdesin rreth 10 vjet më herët krahasuar me joduhanpirësit.

Nëse një person pi duhan, hapi më i rëndësishëm që mund të ndërmarrë për të përmirësuar shëndetin është lënia e duhanit, pavarësisht nga mosha apo koha e pirjes së duhanit. Gjithashtu edhe mjekët mund të japin ndihmën e tyre dhe të sugjerojnë medikamente për ndërprerjen e duhanit, nëse është e nevojshme, për të ndihmuar duhanpirësit të heqin dorë përgjithmonë nga nikotina.

4. Hidratimi

Konsumimi i mjaftueshëm i ujit çdo ditë është çelësi për një shëndet të mirë. Trupi ka nevojë për ujë në mënyrë që të kryejë një sërë funksionesh të rëndësishme si: ruajtja konstante e temperaturës së trupit, ndihma në sistemin tretës, ruajtja e funksioneve optimale të organizmit dhe transporti i lendëve ushqyese në nivel qelizor. Nëse nuk jeni mjaftueshëm të hidratuar, mund të ndjeheni të lodhur, të keni probleme me përqëndrimin, të keni dhimbje koke të shpeshta e luhatje humori.

5. Menaxhimi i stresit

Stresi është një nga faktorët që na shoqëron në jetën tonë të përditshme por, stresi kronik mund të ketë ndikim negativ në shëndetin mendor, fizik dhe emocional. Studime të ndryshme kanë treguar se nivelet e larta të stresit shoqërohen me rrezik të shtuar të: presionit të lartë të gjakut, semundjeve të zemrës, goditje në tru, depresion si edhe dobësim të sistemit imunitar.

Edhe pse stresi është shpesh i pashmangshëm, trupi i njeriut e ka një zgjedhje për ta trajtuar atë. Ashtu siç trupi ka një përgjigje ndaj çdo komplikacioni shëndetësor, trupi ka një përgjigje edhe  ndaj stresit, e cila karakterizohet nga presioni i ulët i gjakut, frymëmarrje më e ngadaltë dhe rrahje të reduktuara të zemrës.

Tregu i monedhave të qëndrueshme (stablecoins), me një vlerë prej 130 miliard dollarësh, është i fokusuar në bonot e thesarit të qeverisë amerikane, pra çka mund të ndodh nëse SHBA-ja falimenton? Edhe me stabilitetin aktual, falimentimi i mundshëm i ekonomisë së SHBA-së është një problem i madh. USDT dhe USDC, janë bërë ‘zemra dhe shpirti’ i DeFi me një vëllim masiv transaksionesh.

Mohim përgjegjësie: Jo këshilla financiare dhe as investimi. Çdo vendim i lidhur me kapitalin që merrni është përgjegjësia juaj e plotë.

Qeveria e SHBA-së mund të mos arrijë të kryej pagesat pas datave 7-8 qershor duke sjell një falimentim të ekonomisë, por ekziston mundësia që ata mund ta shtyjnë falimentimin deri në Korrik duke përdorur të ardhurat nga taksat.

Të dyja palët e qeverisë e dinë se buxheti ka nevojë për një rregullim për të zvogëluar deficitin buxhetor. Megjithatë, ndërsa Biden po kërkon të rrisë taksat, republikanët po i kërkojnë atij të ulë shpenzimet. Ky është një rast klasik i agjendave partiake që lënë në hije interesat kombëtare.

Mes kaq shumë polemikash, është krejtësisht ironike të thuhet që një rregull i vetë-imponuar, i parëndësishëm për të paktën dy dekada, mund të rrëzojë ‘perandorinë amerikane’.

Çfarë lidhje ka thesari i SHBA-së me monedhat e qëndrueshme?

Circle (USDC) dhe Tether (USDT) janë mbështetur prej kohësh në thesaret e SHBA-së për të mbështetur monedhat e tyre të qëndrueshme. Problemi i vërtetë qëndron në zotërimin e bonove të thesarit që duhet të paguhen pas këtij muaji. Nëse ndodh një mospagim (falimentim), pasojat mund të jenë të rënda për një monedhë të qëndrueshme, me interesat e bonove të thesarit që mund të bien në 0% duke i bërë ato praktikisht të pavlefshme derisa SHBA të fillojë të paguajë sërish interesat.

E mbani mend kaosin kur Banka e Silicon Valley u rrëzua, duke tërhequr me vete mbi 3.3 miliard dollarë të depozitave të Circle? Imagjinoni atë dramë për të gjitha monedhat e qëndrueshme.

Circle, për të ruajtur rezervat e tyre, i kanë zhvendosur aktivet në instrumente të tjera financiare. Ata kanë transferuar 8.7 miliard dollarë në letra me vlerë REPO.

Meqë Circle është renditur publikisht, çdokush mund ti shoh lëvizjet e tyre. Nuk mund të thuhet e njëjta gjë për Tether, por po supozohet se ata po bëjnë diçka të ngjashme. Këto probleme në tregun e borxhit po pengojnë rritjen e një sektori në zhvillim të financave të decentralizuara (DeFi).

Bono thesari të decentralizuara

Tregu i decentralizuar i letrave me vlerë ka parë një rritje shpërthyese këtë vit, e nxitur nga investitorët që janë në kërkim të përfitimit të interesave. Në 5 muajt e fundit, kapitali i tregut për letrat me vlerë në blockchain u rrit nga 0 në 220 milion dollarë.

Por ndërsa tregjet e thesarit të TradFi po goditen, tokenat e decentralizuara të letrave me vlerë po vlerësohen më shumë. 

A është DeFi në rrezik?

DeFi nuk ka përballuar kurrë ndonjë falimentim të qeverisë amerikane. E fundit ndodhi në vitin 2018 nën qeverisjen e presidentit Trump dhe zgjati 35 ditë. Pra, pyetja e madhe është: çfarë do të thotë për emetuesit kryesorë të ekspozuar ndaj thesarit të SHBA-së nëse një monedhë e qëndrushme (stabelcoin) të humbi vlerën e saj përkundrejt dollarit?

Nëse monedhat kryesore si: USDT, USDC ose DAI do të humbin vlerën e tyre kundrejt dollarit, atëherë do të shfaqen probleme madhore për DeFi-n dhe kriptomonedhat në përgjithësi, por të gjitha këto probleme do të bënin që investitorët të kërkonin siguri në industri. Sipas një analisti të njohur, impakti ndaj BTC si kandidati kryesor do të rritej me 70%

Por çfarë ndodhte me pjesën tjetër të tregut? Likuiditeti i DeFi do të merrte një goditje kolosale në të gjithë Blockchain-et. Projekte të ndryshme të lidhura me monedhat e qëndrushme mund të shohin që vlera e tyre të bjerë në zero. Por kjo është e gjitha një lojë hamendësimi në këtë pikë.

Shanset për një falimentim të plotë të qeverisë amerikane janë mjaft të vogla. Por duke parë problematikat që po has qeveria e SHBA-së mund të ndodhë një prej skenarëve të mëposhtëm:

1. Skenari më i keq: Falimentimi i plotë i qeverisë. Goditja ekonomike do të ishte shumë e rëndë për kriptomonedhat.

2. Skenari bazë: Falimentimi i qeverisë shmanget, por vetëm pas një debati që zgjat deri në fund të Qershorit ose në fillim të Korrikut. Tregu qëndron në pritje të përgjigjes përfundimtare, por kjo u blen kohë ofruesve të monedhave të qëndrueshme për të siguruar rezerva.

3. Skenari i rastit më të mirë: Heqja e tavanit të borxhit. Kjo mund të ndodhë nëse partitë më në fund nxjerrin një buxhet, ose Biden luan kartën e Amendamentit të 14-të dhe të anashkalojë tavanin e borxhit.

Çmimet e tokenave të lidhur me AI u rritën. Rrjeti i Bitcoin-it po mbingarkohet. Binance lançon shërbimin e huasë së NFT-ve ndërsa Hong Kongu jep dritën jeshile për tregtimin e kriptomonedhave. Këto histori dhe më shumë, këtë javë në botën e kriptomonedhave.

Çmimet e tokenave të lidhur me AI rriten pas raportit të Nvidia

Kriptomonedhat e lidhura me AI u rritën pasi Nvidia raportoi rritje të kërkesës për çipa që fuqizojnë aplikacionet e inteligjencës artificiale. Projektet e AI, si SingularityNET, Cortex dhe Measurable Data Token regjistruan të gjitha rritje të konsiderueshme në çmim, ndërsa çmimet e shumicës së kriptomonedhave të tjera të tregut mbetën të palëvizura.

Binance lançoi shërbimin e huasë së NFT-ve

Binance po lançon shërbimin e huasë së NFT-ve, ku zotëruesit e aseteve dixhitale mund të sigurojnë kredi në ETH duke përdorur NFT-të e tyre si kolateral. Shërbimi i ri, i quajtur Binance NFT Loan, do t’i lejojë njerëzit të përdorin NFT me çip blu për të marrë hua kripto me norma interesi konkurruese, tarifa zero gazi dhe mbrojtje të likuiditetit.

Hong Kongu i jep dritën jeshile tregtimit të kriptove

Komisioni i Letrave me Vlerë i Hong Kongut njoftoi se duke filluar nga muaji i ardhshëm, do të lejojë investitorët të tregtojnë disa asete dixhitale në platformat e regjistruara tregtare. Udhëzimet e reja janë pjesë e përpjekjes më të gjerë të Hong Kongut për t’u bërë një qendër globale e kriptove, një kontrast i mprehtë kur krahasohet me Kinën, e cila ndaloi tregtimin e kriptove në 2021.

‘Dita e Picave të Bitcoin-it’ u prish

Javën e kaluar, entuziastët e kriptomonedhave festuan ‘Ditën e Picave të Bitcoin-it’, duke përkujtuar ditën në vitin 2010 kur zhvilluesi Laszlo Hanyecz bleu dy pica për 10,000 Bitcoin. 14 monedha meme të lidhura me picat u emetuan këtë javë, ku disa prej të cilave u raportuan si mashtrime pas zhdukjes së krijuesve të tyre.

Punëtorët kinez të drogës paguhen me anë të kriptomonedhave

Hulumtimet e reja tregojnë se 90% e prodhuesve kinezë të kimikateve po pranojnë kriptomonedhat si pagesë për përbërësit e fentanilit që po u shesin operacioneve të drogës në mbarë botën. Elliptic dhe Chainalysis publikuan gjetje të reja që ofrojnë një paraqitje të shkurtër të rolit të nën-raportuar të kriptove në zinxhirin e furnizimit të opioidit vdekjeprurës.

Rastet e hakimit të kriptomonedhave bien me 70%

Blockchain TRM Labs raportoi se hakerët vodhën 400 milion dollarë nga 40 projekte të ndryshme kriptomonedhash në tremujorin e parë, shifra të cikat tregojnë një rënie prej 70% nga viti i kaluar. Përveç kësaj, më shumë haker priren të kthejnë kriptomonedhat e vjedhura si sanksione kundër Tornado Cash ashtu si dhe arrestimi i infiltruesit të Mango Markets ka lënë më pak hapësirë ​​që autorët të zhduken me kriptomonedhat e vjedhura.

Tokenat BRC-20 e bëjnë rrjetin e Bitcoin-it më të ngarkuar

Transaksionet ditore në rrjetin e Bitcoin-it kanë shënuar nivelin më të lartë të të gjitha kohërave këtë muaj, gati 40% më i lartë se në vitin 2017. Tokenat BRC-20 të cilët janë emetuar këtë vit, të ndërtuar drejtpërdrejt në Blockchain-in e Bitcoin-it, rezultuan të jenë rreth 25,000 duke rritur kështu numrat e transaksioneve.

Momenti i shumëpritur erdhiiii !! Shënoni datën, përhapni fjalën dhe përgatituni për përvojën më të paharrueshme të kulturës Hip Hop në Shqipëri. Shqip Hop është një ngjarje e madhe që ka për qëllim të shfaqë talentet më të mirë të muzikës hip-hop shqiptare. Organizuar çdo vit, festivali ka fituar reputacionin për atmosferën e gjallë, performancat emocionuese dhe promovimin e talenteve lokale. Shqip Hop-i do të mbahet në Tiranë te Sheshi Italia më datën 8 Qershor.

Festivali Shqip Hop është një dëshmi e kulturës së gjallë dhe të evoluar të hip-hopit në Shqipëri. Ai shërben si një katalizator për shprehjen artistike, unitetin dhe festimin e diversitetit. 8 Qershori pritet me padurim nga entuziastët e muzikës dhe fansat e hip-hopit shqiptar, të gatshëm për të përjetuar një shfaqje të paharrueshme të talenteve dhe për të zhytur veten në pasurinë e Shqip Hop-it

Ankandet e biletave për Shqip Hop-in do të nisin të Martën (më 30 Maj) dhe do të vazhdojnë për disa ditë me rradhë. Datat 30 – 31 Maj, do të publikohet nga një ankand çdo ditë i cili do të zgjas 12 orë, duke iu dhënë mundësinë për të fituar dy bileta, ndërsa më datë 2 Qershor anknadi do të zgjasë 24 orë dhe do të përmbaj 4 bileta.

Links:

Instagram: https://www.instagram.com/shqiphopfest/  

Fituesit e ankandeve do të kontaktohen nga ViAl për të përfituar biletën e cila do shpërndahet përmes email-it: hello@vial.al

Binance, një nga bursat më të mëdha të kriptomonedhave në botë, e gjen veten të përfshirë në një situatë sfiduese. Kompania po përballet me rritjen e kontrollit rregullator i cili po i rrit edhe vështirësinë e operimit të bursës në SHBA.

Binance ndodhet nën presion

CFTC ngriti një padi më 27 mars, dhe që atëherë rruga e Binance drejt qëllimeve të saja për vitin 2023 ka hasur vështirësi. Rregullatorët nuk janë të rinj për Binance-n. Padia e CFTC-së ishte alarmi që e bëri të qartë se gjërat po bëheshin serioze për bursën.

Një raport i fundit i Bloomberg sugjeron se Departamenti i Drejtësisë i SHBA-së (DOJ) po vërtitet rreth Binance. Ata po kontrollojnë nëse Binance u dha klientëve rusë të drejtën për të përdorur bursën edhe pse ishte kundër rregullave të përcaktuar nga SHBA.

Në një bisedë me Financial Times, Eun Young Choi, shefe e agjencisë kombëtare për zbatimin e kriptomonedhave, dha një vështrim në planin e tyre. Duket se departamenti po përgatitet kundër shumë bursa kriptomonedhash në SHBA.

A do ta detyrojë kjo Binance-n të largohet nga Shtetet e Bashkuara?

Binance ka hyrë në një zonë pasigurie. Me agjencitë e shumta që shprehen kundër Binance, operimi pa probleme në SHBA po bëhet një objektiv i vështirë për t’u arritur.

Binance nuk e fshehu zhgënjimin e saj pas largimit të saj nga Kanadaja, si pasojë e udhëzimeve të reja të shtetit rreth monedhave të qëndrushme (stablecoins) dhe kufizimet e investitorëve. Dalja e tyre nga tregu kanadez është një shenjë e qartë e detit të trazuar ku ata po lundrojnë.

Binance humbet 20% së tregut ndaj rivalëve aziatikë

Binance, pavarësisht problemeve nga rregullatorët, po mban pozicionin e saj si një nga bursat kryesore në industri. Megjithatë, presionet e rregullatorëve kanë vënë një frenim në rritjen e saj dhe mbajtjen e klientëve gjatë gjithë vitit. Ndërkohë, bursat rivale të Binance si Huobi dhe OKX janë në rritje.

Edhe pse kriptomonedhat patën një rritje të përgjithshme këtë vit, asetet e zotëruara nga Binance nuk kanë lëvizur shumë. Kjo është kryesisht për shkak të daljeve të rregullta nga bursa muaj pas muaji. Për momentin, nuk ka zgjidhje të lehtë për problemet e Binance. Hetimet e vazhdueshme të rregullatorëve amerikanë kanë hedhur një hije të gjatë dyshimi mbi bursën. Duke pasur parasysh rrethanat, ka shumë të ngjarë që Binance të vazhdojë të shohë tkurrje në tregun perëndimor për sa kohë që këto stuhi rregullatore vazhdojnë të bien mbi të.

Pra, çfarë do të thotë kjo për BNB?

Kontrolli rregullator mbi Binance të vazhdojë, duke krijuar një mjedis të ashpër për operacionet e platformës. Duke pasur parasysh këtë, BNB do të mbetet prapa kriptomonedhave kryesore si BTC dhe ETH pasi investitorët drejtohen drejt zgjedhjeve më të sigurta dhe më të besueshme. Megjithatë, ekosistemi i Blockchain-it të BNB-së do të qëndrojë i palëkundur. Sidoqoftë, është e rëndësishme të theksohet se Binance, tani po hedh një efekt të zymtë mbi vetë tokenin BNB dhe ekosistemin e saj.

Ledger kritikohet për funksionalitetin e tij të ri e cila lidhet me privatësinë e klientit. Kompania Tether do të shtojë Bitcoin-in në portofolin e saj, ndërsa krijuesi i OpenAI tani është i fokusuar në një projekt të ri. Këto histori dhe më shumë, këtë javë në botën e kriptomonedhave.

Ledger mbron funksionin e Ledger Recover

Ledger, u kritikua për funksionalitetin e tij të ri, Ledger Recover. Ledger Recover do të ruajë frazat e koduara të përdoruesve te një palë e tretë, gjë që kritikët argumentojnë se e hedh poshtë angazhimin e deklaruar të Ledger-it për privatësinë dhe sigurinë. CEO i Ledger Pascal Gauthier u përgjigj duke thënë se kjo është mënyra se si miliona njerëz do të hyjnë në industrinë e kriptomonedhave në të ardhmen.

Tether do të shtoj Bitcoin në portofolin e tij

Tether, kompania pas monedhës së qëndrueshme (stablecoin) USDT, njoftoi se duke filluar nga maji, kompania do të ndajë rregullisht deri në 15% të fitimeve të saj neto në Bitcoin. Tether tani bashkohet me korporata të tjera të mëdha të cilat shtojnë BTC në bilancin e tyre, për të përmirësuar performancën e portofolit dhe për t’u lidhur me teknologjinë transformuese.

Coinbase prezanton tregtimin me tarifë zero

Bursa më e madhe e kriptomonedhave në Amerikë, Coinbase, prezantoi Coinbase One, një llogari anëtarësimi që ofron zero tarifa tregtare, rritje të shpërblimeve dhe një ekip mbështetës. Abonimi kushton 30 dollarë në muaj dhe përfshin gjithashtu përfitime ekskluzive nga partnerët. Kompania po përpiqet të rrisë bazën e saj të klientëve duke i “joshur” ata me anë të tregtimit me tarifë zero.

Zhvilluesit në rrjetin e Bitcoin-it mbledhin 1 milion dollarë

Kompania e prodhuesve të Bitcoin Marathon Digital Holdings dhe Brink një organizatë jofitimprurëse që përpiqet të mbështesë zhvillimin e Bitcoin-it, së fundmi zbuluan bashkëpunimin e tyre për të gjeneruar fonde deri në 1 milion dollarë për zhvilluesit në rrjetin e  Bitcoin-it. Zhvilluesit janë aktualisht nën presion për të bërë ndryshime në kodin themelor të Bitcoin-it në mënyrë që të parandalojnë përdorimin e Ordinaleve, të cilat kanë mbingarkuar rrjetin.

Robert Kennedy Jr pranon Bitcoin

Bitcoin është ‘përfaqësuesi i demokracisë’, tha Robert Kennedy Jr, i cili njoftoi këtë javë se po pranonte Bitcoin si donacione për fushatën. Përpara se të dilte në skenë në konferencën e Bitcoin-it 2023 në Miami, kandidati për president të SHBA-së tha se nëse zgjidhet president, ai u zotua të sigurojë që SHNA-ja të mbetee qendra globale e Bitcoin-it.

Mbretëria e Bashkuar: Kriptomonedhat duhet të trajtohen si bixhoz

Në një raport të ri, një Komitet ndërpartiak i deputetëve në Mbretërinë e Bashkuar kanë pohuar se kriptovmonedhat nuk shërbejnë për asnjë qëllim të dobishëm shoqëror dhe po përdoren nga kriminelët për mashtrime dhe pastrim parash. Si rezultat, Komiteti i Thesarit të Mbretërisë së Bashkuar ka bërë thirrje që tregtia e kriptomonedhave të pambështetura nga qeveria të rregullohen në bazë të ligjeve të lojërave të fatit.

Festivali Unum karakterizohet nga pesë elementë të thjeshtë të jetës: muzika, rëra, pishat, deti dhe malet. Është një përvojë unike që ndërthur bukurinë e natyrës me fuqinë e muzikës, duke krijuar një përzierje harmonike që rezonon me shpirtin.

Për gjashtë ditë e gjashtë netë, ndërmjet datave 1 dhe 6 Qershor, të pranishmit do të kenë mundësinë të shpëtojnë nga e përditshmja dhe të zhyten në një botë euforie, ku shqetësimet e përditshmërisë do të lihen pas.

Festivali përfshin zhanre të ndryshme muzikore. Pavarësisht nëse jeni adhurues i tingujve house, tekno apo disko, UNUM ka diçka për të gjithë. Ndërsa tingujt pushtojnë ajrin, muzika bëhet rrahja e zemrës së UNUM Festival, duke lidhur njerëz nga kultura dhe prejardhje të ndryshme dhe duke krijuar miqësi dhe kujtime të paimagjinueshme, përmes gjuhës universale të melodisë dhe ritmit.

Pra, a jeni gati të bëheni UNUM? A jeni gati të lini të zakonshmen dhe të përqafoni të jashtëzakonshmen?

Ankandet e biletave për UNUM Festival do të nisin të Shtunën (më 20 Maj) dhe do të vazhdojnë për tre ditë me rradhë. Nga datat 20 – 23 Maj, do të shpaloset nga një ankand çdo ditë i cili do të zgjas 12 orë, duke iu dhënë mundësinë për të fituar dy bileta.

#BecomeUNUM

Links:

Website: https://www.unumfestival.com/

Instagram: https://www.instagram.com/unumfestival/ Fituesit e ankandeve do të kontaktohen nga ViAl për të përfituar biletën e cila do shpërndahet përmes email-it hello@vial.al

Ledger hodhi një “bombë” që i vuri flakën botës së kriptomonedhave e cila lidhej me prezantimin e funksionalitetit te tyre te ri, Ledger Recover. Kompania po ofron një mundësi për të ndarë çelësat privatë me institucione specifike: Ledger, Coincover dhe një palë tjetër të tretë.

Çfarë është Ledger Recover?

Ky funksion i ri është krijuar për ta bërë të lehtë për këdo që të zotërojë kripto, duke hequr qafe kushtet konfuze që lidhen me çelësat privatë. Për të zgjidhur problemin, Ledger njoftoi përditësimin sistemit duke shtuar Ledger Recover. Sapo ky njoftim u postua në Twitter, i gjithë Twitter-i shpërtheu.

Cili është problemi?

Deri më tani, vetëm pronari i nje USB Ledger mund të shikonte çelësat privatë. Por, së fundi Ledger planifikon të nxjerrë një veçori të re e cila u lejon përdoruesve të ndajnë çelësat privatë me një palë të tretë. Kjo veçori vjen me një përmirësim të ri të sistemit te tyre të brendshëm.

Përgjigja e Ledger

Përfaqësues të kompanisë dolën disa orë pas “shpërthimit” të lajmit në një Twitter Space, për të adresuar të gjitha shqetësimet. Dy pyetjet kryesore ishin: Për kë është ky funksion dhe a është i sigurt? Që ky funksion të vlejë përdoruesi duhet të nënshkruajë një transaksion i cili e lejon atë të ndajë çelësat privatë me një palë të tretë. Pra, kjo rrugë është e sigurt dhe përmirësimi në firmware-in më të fundit të Ledger rekomandohet gjithashtu prej tyre duke premtuar siguri të plotë.

“Kjo është mënyra se si qindra miliona njerëz do të hyjnë në industrinë e kriptomonedhave,” tha CEO i Ledger Pascal Gauthier. “Më vjen keq, por copa e letrës është një gjë e së kaluarës dhe Ledger Recover është një gjë e së ardhmes”. Kompania gjithashtu saktëson që Ledger Recovery është një shërbim funksional të cilën përdoruesit vendosin në mënyrë të pavarur nëse duan ta aplikojnë ose jo.

Ky përditësim i Ledger vjen si pasojë e mbështetjes së Blockchain-eve evolucionar si Ethereum, Solana, Aptos. Të gjithë këta rrjete po përdorin algoritme të reja për tu ndërlidhur dhe nëse Ledger nuk do ishte i papërditësueshëm atëherë përdoruesit do të detyroheshin të blinin një model më të ri të Ledger-it.