Ja çfarë ndodhi këtë javë në botën e kriptomonedhave

Ja çfarë ndodhi këtë javë në botën e kriptomonedhave

Posted on January 15, 2024 by Vial

Miratohen aplikimet për Bitcoin ETF, por ky miratim nisi më pare me një lajm të rremë. Një përditësim i ri po diskutohet për Ethereum, ndërsa SEC ka shprehur pakënaqësitë rreth miratimit të Bitcoin ETF. Këto histori dhe më shumë, këtë javë në botën e kriptomonedhave.

Bitcoin shkruan histori

Të mërkurën, SEC e SHBA-së më në fund miratoi 11 aplikimet për Bitcoin ETF në një proces që filloi në 2013 kur binjakët Winklevoss kërkuan për herë të parë miratimin. Vëllimet e tregtimit tejkaluan 4 miliard dollarë në bursën e Nju Jorkut, Nasdaq dhe CBOE në ditën e parë të tregtimit. Bitcoin ETF i Grayscale përbënte gjysmën e atij vëllimi me 1 miliard dollar, që erdhi në orën e parë pas hapjes së tregjeve. iShares i Bitcoin ETF i BlackRock-ut mori pjesën më të madhe të gjysmës tjetër me tregtimin e tij të ditës së parë prej 1 miliard dollarësh.

Një lajmërim i rremë shkaktoi luhatje të mëdha në treg

Një ditë përpara se të shpalleshin miratimet, një lajmërim i rremë që rezultoi nga një hakim i llogarisë X të SEC deklaroi se të gjitha aplikimet për Bitcoin ETF ishin miratuar, duke shkaktuar trazira në tregun e kriptove. Llogaria u hakua përmes një numri telefoni të lidhur dhe ishte e mundur sepse llogaria nuk po përdorte vërtetimin me dy faktorë. Postimi u ekspozua shpejt si një mashtrim, por jo përpara se të likuidonte pozicione tregëtimi me vlerë në 90 milion dollarë.

Bitcoin bie ndërsa euforia përfundon

Pasi ETF-të e para filluan tregtimin në SHBA, Bitcoin kaloi për një kohë të shkurtër 49,000 dollarë për herë të parë që nga dhjetori 2021. Megjithatë, ditën tjetër, çmimi i Bitcoin ra nën 42,000 dollarë, duke rënë rreth10%.

SEC: Ne nuk e mbështesim Bitcoin-in

Kryetari i SEC, Gary Gensler, tregoi se miratimet e ETF u dhanë me ngurrim, duke theksuar se vendimi nuk pasqyron miratimin e vetë Bitcoin nga komisioni. Gensler tha se vendimi i gjykatës në aplikimin e Grayscale vitin e kaluar detyroi komisionin, por ai nuk sinjalizon mbështetje për Bitcoin ose ndonjë kripto-aset tjetër; një kategori që ai ende e sheh si spekulative dhe të paqëndrueshme.

Emetuesit e USDC aplikojnë për IPO

Circle, emetuesi i monedhës së qëndrueshme (stablecoin) USDC, ka bërë kërkesë për një IPO, për ta bërë publike kompaninë. IPO-ja pritet të bëhet pasi SEC të përfundojë procesin e rishikimit. Me një kapital tregu prej 25 miliard dollarësh, USDC mban vendin si monedha e dytë më e madhe e qëndrueshme pas Tether, e cila krenohet me një kapital tregu prej 95 miliard dollarësh.

Propozohen përmirësime të reja për Ethereum

Në një seancë “Ask Me Anything”, bashkëthemeluesi i Ethereum, Vitalik Buterin rekomandoi një rritje modeste prej 33% në kufirin e gazit për të rritur kapacitetin e rrjetit dhe për të zvogëluar shpenzimet e përdoruesve. Megjithatë, propozimi vjen me disa rreziqe, pasi blloqet më të mëdha mund të çojnë në rritjen e konsumit të energjisë, duke rritur potencialin për ndarje dhe braktisje të blloqeve.

X ndërpret vendosjen e NFT-ve si fotografi profili

Platforma e mediave sociale X ka ndërprerë shërbimin e saj të vendosjes së NFT-ve si fotografi  profili shërbim ky që lejonte abonentët të përdornin NFT-të e bazuara në Ethereum si foto profili. I njohur më parë si Twitter, X “përqafoi” idenë e NFT-ve në shtator 2021, duke zgjeruar shërbimet e tij NFT deri në tetor të vitit të ardhshëm me “NFT Tweet Tiles”.

Posted under: News

Bitcoin ETF miratohet zyrtarisht nga SEC

Posted on January 11, 2024 by Vial

Komisioni i Shkëmbimit dhe Letrave me Vlerë i SHBA-së ka miratuar zyrtarisht fondet e para të tregtueshme të rregulluara në Shtetet e Bashkuara të Amerikës, vetëm një ditë pasi një njoftim i rremë i postuar nga llogaria zyrtare në Twitter e SEC shkaktoi lëvizje të mëdha në treg.

Më 10 janar, rregullatori i letrave me vlerë miratoi aplikimet 19b-4 nga ARK 21Shares, Invesco Galaxy, VanEck, WisdomTree, Fidelity, Valkyrie, BlackRock, Grayscale, Bitwise, Hashdex dhe Franklin Templeton, duke miratuar ndryshimet e rregullave që lejojnë në vend Bitcoin ETF për t’u listuar dhe tregtuar në bursat përkatëse. Dokumenti ishte i disponueshëm për t’u shkarkuar nga faqja e internetit e SEC për disa minuta përpara se të shfaqej një mesazh ‘ERROR 404’, i cili më vonë u bë i drejtpërdrejtë përmes një lidhjeje tjetër. Miratimi historik hap rrugën për fondin e parë të rregulluar të tregtueshëm në SHBA për t’u dhënë investitorëve ekspozim të drejtpërdrejtë ndaj çmimit të Bitcoin-it pa kërkuar që ata ta blejnë atë ose të shqetësohen për vetë-kujdesin. Investitorët do të blejnë aksione në ETF që mbajnë Bitcoin si asetin e tyre themelor.

Analisti i ETF James Seyffart postoi në X (ish-Twitter) se komisioni mund të mos kishte synuar të publikonte dokumentin e miratimit në atë kohë, por kishte të ngjarë ta ripostonte atë gjithsesi.

Miratimi i ETF vjen pas më shumë se 10 viteve pasi Cameron dhe Tyler Winklevoss aplikuan për herë të parë për të nisur Winklevoss Bitcoin Trust në 2013. SEC kishte mohuar vazhdimisht të gjitha kërkesat Bitcoin ETF, duke përmendur shqetësimet mbi manipulimin e mundshëm të tregut dhe mashtrimin. Sidoqoftë, SEC u detyrua të rishikonte pozicionin e saj pasi Grayscale fitoi një çështje gjyqësore në gusht 2023 që rrëzoi mohimin e SEC për aplikimin e saj për të konvertuar Grayscale Bitcoin Trust në një Bitcoin ETF.

Me pikat e miratuara të Bitcoin ETF, industria tani do të vëzhgojë nga afër kur ETF-të të fillojnë tregtimin. Kreu i kompanisë dixhitale të Galaxy Research, Alex Thorn, ka vlerësuar se Bitcoin ETF mund të arrijë një vlerë rreth 14 miliardë dollarë në vitin e parë, ndërsa menaxheri i fondit global VanEck vlerëson se afërsisht 2.4 miliardë dollarë do të derdheshin në produktet e Bitcoin-it në tremujorin e parë të 2024.

Kompanitë që morën aprovim nga SEC për Bitcoin ETF do të vendosin tarifa për investitorët e tyre. Aktualisht Grayscale ka tarifën më të lartë, e cila arrin deri në 1.5% për investitorët e tij të mundshëm. BlackRock, menaxheri më i madh i aseteve në botë, i cili do të vendos tarifoj me 0.2% derisa fondi të arrijë 5 miliardë dollarë në asete nën menaxhim (AUM). Bitwise do të tarifoj me 0.24%, ndërsa Ark 21Shares dhe VanEck do të tarifojnë me 0.25%. Gjithashtu, Ark 21 Shares do të heqë dorë nga të gjitha tarifat për gjashtë muajt e parë ose derisa produkti të arrijë në 1 miliard dollarë AUM.

Posted under: News

Ja çfarë ndodhi këtë javë në botën e kriptomonedhave

Posted on December 11, 2023 by Vial

Elon Musk shkakton polemika si pasojë të një citimi të gabuar gjatë prezantimit të BitKey të Dorsey. Coinbase ju lejon të dërgoni para përmes mediave sociale. Roobinhood zgjeron shërbimet e kriptomonedhave në vendet e BE-së ndërsa Zvicra rrit adoptimin e kriptomonedhave në vend. Këto histori dhe më shumë, këtë javë në industrinë e kriptomonedhave.

Bitcoin u rrit si pasojë e thashethemeve rreth normës së interesit

Ndërsa u përhapën thashethemet se Fed mund të ulte normat e interesit, Bitcoin u rrit në vlerën e tij më të lartë në 20 muaj, duke shënuar një rritje me 17% në një javë të vetme. Entuziazmi i investitorëve të kriptomonedhave u pa dukshëm krahasuar me investitorët e aksioneve dhe aseteve të tjera. Midis Altcoin-eve u pa rritja e çmimit të ADA këtë javë pasi hyri në top 10 për sa i përket vlerës totale të bllokuar, ose TVL, i cili është një tregues i rëndësishëm për angazhimin dhe interesin për një ekosistem DeFi.

Elon Musk shkakton reagime të forta

Elon Musk tërhoqi vëmendjen duke komentuar për portofolin e ri Bitcoin të Jack Dorsey, Bitkey. Dorsey zbuloi portofolin e harduerit, i cili është i disponueshëm në 95 vende. Citimi i gabuar i Musk, duke thënë “Jo çelësat tuaj, jo portofolin tuaj”, shkaktoi korrigjim të gjerë nga komuniteti i kriptomonedhave. Fraza e saktë është “jo çelësat tuaj, jo monedhat tuaja”, e cila thekson rrezikun e besimit të palëve të treta në menaxhimin e fondeve.

Kriptomonedhat mund të transferohen përmes rrjeteve sociale

Coinbase Wallet prezantoi transferime më të lehta dhe më të shpejta parash duke përdorur lidhje të përbashkëta nëpër platformat e mediave sociale. Përdoruesit nga WhatsApp, iMessage dhe Telegram; si dhe aplikacionet e mediave sociale si Instagram, Snapchat dhe TikTok tani mund të dërgojnë fonde globalisht falas përmes Coinbase Wallet thjesht duke ndarë një link, duke thjeshtuar transaksionet midis miqve dhe familjes.

Investimi në Bitcoin i El Salvadorit shpërblehet

Presidenti i El Salvadorit Nayib Bukele festoi investimin e vendit në Bitcoin, pasi portofoli tani është me një fitim prej 3.6 milion dollarë. Bukele hodhi poshtë kritikat e medias, duke shpalosur një program të quajtur ‘Viza e Lirisë’ që ofron shtetësinë salvadorane për një investim ekuivalent prej 1 milion dollarësh në Bitcoin ose Tether, duke synuar të rrisë më tej perspektivat ekonomike në vend.

Robinhood zgjeron shërbimet e kriptomonedhave

Aplikacioni popullor i tregtisë në SHBA, Robinhood prezantoi tregtimin e kriptomonedhave për klientët e BE-së, duke përmendur rregulloret e fuqishme të kriptomonedhave të rajonit si arsye për zgjerimin, në kontrast me SHBA-në, ku ka një kontroll intensiv mbi sektorin e kriptove. Përdoruesit evropianë tani mund të tregtojnë më shumë se 25 kriptomonedha, duke përfshirë Bitcoin dhe Ethereum pa komision.

CEO i JPMorgan sulmon kriptomonedhat

Përsëri, CEO i JPMorgan Chase, Jamie Dimon, shkaktoi polemika duke kritikuar rritjen e tregut të kriptove gjatë një seance dëgjimore të Kongresit të SHBA-së, duke shkuar aq larg sa të avokonte për “mbylljen e tij”. Dimon, i cili më parë e quajti Bitcoin-in një mashtrim, përsëriti qëndrimin e tij negativ pavarësisht rritjes së vazhdueshme të çmimeve, ndërsa banka e tij vazhdon të mbështesë sipërmarrjet e kriptomonedhave duke forcuar fort vendin e tij në listën e të larguarve nga fiat.

Zvicra rrit adoptimin e kriptomonedhave

Qyteti i Luganos në Zvicër tani lejon Bitcoin dhe USDT për pagesat e taksave dhe shërbimeve në bashkëpunim me Tether për të rinovuar infrastrukturën financiare duke përdorur teknologjinë Bitcoin. Bitcoin Suisse thjeshton pagesat e faturave për banorët dhe bizneset, duke reflektuar një tendencë në rritje midis bashkive zvicerane, për të ofruar pagesa përmes kriptomonedhave krahas metodave tradicionale.

Rregullim i gabimeve në rrjet mund të sjellin fundin e Bitcoin Ordinals

Një zhvillues i Bitcoin Core zbuloi se një rregullimi i disa gabimeve në rrjet mund të eliminojë Bitcoin Ordinals dhe tokenat BRC-20 që po shkaktojnë bllokim të rrjetit. Luke Dashjr theksoi se tokenët po shfrytëzojnë një dobësi në rrjetin Bitcoin Core dhe ai propozon një rregullim për të ndërprerë funksionimin e tyre duke ruajtur mbishkrimet ekzistuese. Zbatimi i patch-it mund të ndikojë në mbi 46 milion mbishkrime në Blockchain-in e Bitcoin-it.

Posted under: News

Ja çfarë ndodhi këtë javë në botën e kriptomonedhave

Posted on December 4, 2023 by Vial

Sezoni i Altcoin-eve ka nisur zyrtarisht. Aksionet e kompanive, si MicroStrategy dhe Coinbase po lulëzojnë ndërsa banka Standard Chartered pret një rritje masive të çmimit të Bitcoin-it shumë më shpejt sesa mendohej fillimisht. Këto histori dhe më shumë, këtë javë në botën e kriptomonedhave.

Rritjet e altcoin-eve tejkalojnë Bitcoin-in

Bitcoin arriti në 39,000 dollarë këtë javë, çmimi i tij më i lartë që nga prilli 2022, por rritja e çmimeve për shumë altcoine që tejkalojnë BTC-në nxitën thirrjet për një sezon altcoin-esh. AVAX, u rrit 97% ndërsa JPMorgan po teston tokenizimin e aseteve në rrjetin e saj. Përveç AVAX, Helium, Blur dhe Rune ishin ndër altcoinët me performancën më të mirë, duke  dyfishuar vlerën e tyre në vetëm një muaj.

Lajme të mëdha për tokenin MOON të Reddit

Platforma sociale Reddit ka arritur një moment historik duke përfunduar decentralizimin e tokenit të saj MOON. Duke hequr dorë nga kontrolli i kontratës së shpërndarjes, furnizimi i monedhave MOON kufizohet dhe siguron që nuk mund të bëhen modifikime të mëtejshme në atë kontratë, duke e vendosur MOON si një entitet plotësisht të decentralizuar. Çmimi i monedhës së Reddit reagoi pozitivisht ndaj lajmit, duke pasur një rritje prej 150%.

MicroStrategy blen Bitcoin

Microstrategy, bleu rreth 16,000 Bitcoin në nëntor, me vlerë rreth 600 milion dollarë, duke rritur kështu zotërimet e saj me 10%. Korporata tani zotëron 175,000 Bitcoin të blerë me një çmim mesatar prej rreth 30,000 dollarësh për monedhë dhe blerja e nëntorit shënon një përshpejtim të korporatës në aktivitetet e blerjes së Bitcoin-eve.

Çmimi i aksioneve të Coinbase trefishohet

Aksionet e Coinbase u rritën me 62% këtë muaj, duke treguar rritje të besimit të Wall Street në bursën kryesor të kriptomonedhave në SHBA. Mes çështjeve ligjore të Binance, investitorët parashikojnë rritje të aktivitetit për Coinbase, duke kontribuar në rritjen e trefishtë të aksioneve në vitin 2023. Analistët thonë se Coinbase është në pozicionin e saj më të mirë, pasi i ka mbijetuar lëkundjes së industrisë gjatë dy viteve të fundit.

FTX do të shes asetet që zotëron në Grayscale

FTX mori miratimin nga gjykata e falimentimit për të shitur asetet e saj me vlerë 744 milion dollarë të investuara në Grayscale për të mbledhur para dhe për të shlyer kreditorët, të cilëve u detyrohet miliarda dollarë. Që kur FTX paraqiti për falimentim vitin e kaluar mes akuzave për mashtrim, këshilltarët e kompanisë kanë zgjidhur një rrjet kompleks borxhesh që u detyrohen kreditorëve të ndryshëm. Deri më tani janë rikuperuar 7 miliardë dollarë nga asetet e shitura.

Një tjetër superstar paditet për reklamimin e NFT-ve

Cristiano Ronaldo përballet me një padi prej 1 miliard dollarësh për promovimin e koleksionit të tij NFT në Binance. Koleksioni përmbante statuja të animuara që përshkruanin momente kyçe në jetën e futbollistit, me disa NFT të shitura deri në 10,000 dollarë. Paditësit në këtë çështje pretendojnë se promovimi i Ronaldos çoi në investime të kushtueshme dhe të rrezikshme, duke e akuzuar atë për deklarata mashtruese në lidhje me promovimet e Binance.

Rritet çmimi i tokenave lidhur me AI

Kriptomonedhat e lidhura me AI u rritën me 2 miliardë dollarë në më pak se dy javë, me tokenat kryesore që arritën rritje të konsiderueshme. Veçanërisht, tokeni TAO e Bittensor u rrit me 86% në dy javët e fundit. Tokeni FET i Fetch.AI, e specializuar në zgjidhjet e të dhënave të fuqizuara nga AI, u rrit me 46%, ndërsa Covalent, e cila ofron akses të unifikuar të të dhënave në Blockchain, u rrit me 42%.

Standard Chartered parashikon rritje të konsiderueshme për kriptomonedhat

Standard Chartered Bank ka rishikuar parashikimin e saj në të cilën Bitcoin-I do të arrinte 100,000 dollarë përpara Bitcoin Halving, duke përmendur rritjen e optimizmit për shkak të prezantimeve të Bitcoin ETF në SHBA. Geoff Kendrick, kreu i kërkimit të kriptomonedhave, iu referua një burimi lidhur me kriptomonedhat theksoi dominimin e Bitcoin-it dhe grumbullimin e prodhuesve të Bitcoin-it si faktorë nxitës për rritjen e vlerës së tij.

Posted under: News

Ja çfarë ndodhi këtë javë në botën e kriptomonedhave

Posted on November 27, 2023 by Vial

CZ dhe Binance pranojnë fajësinë, duke rënë dakord për gjoba me vlerë miliarda dollar. Kraken përballet me një tjetër padi të re. JP Morgan deklaron se zgjidhja e rastit me Binance do të sjell lajme të mira për industrinë e kriptomonedhave. Këto histori dhe më shumë, këtë javë në botën e kriptomonedhave.

Binance dhe CEO CZ pranojnë fajësinë

Departamenti Amerikan i Drejtësisë ka rënë dakord për një marrëveshje me Binance pasi ajo u deklarua fajtore për akuzat për pastrim parash, transmetim të palicensuar parash dhe shkelje të sanksioneve. Si pjesë e marrëveshjes, Binance ka rënë dakord të paguajë gjoba me vlerë 4.3 miliard dollarë. Changpeng Zhao ka dhënë dorëheqjen si CEO i bursës dhe po përballet me 10 vite burg.

Çmimi i Bitcoin luhatet nga lajmet lidhur me Binance

Pas një jave të paqëndrueshme, tregu i kriptomonedhave u rrit, duke treguar forcë në këtë trend rritës. Konfirmimi i lajmit për pranimin e fajësisë së Binance dhe gjobën prej 4.3 miliard dollarësh tronditën për pak kohë tregjet, duke përfshirë një rënie të shpejtë prej 6% për Bitcoin-in por brenda 24 orëve, çmimi i BTC rifitoj vlerën bazë të tij dhe vazhdoi më lart.

Zgjidhja e problemeve me Binance do të thotë lajm të mirë për kriptot

Banka e investimeve, JPMorgan thotë se rezultatet nga rasti i Binance do të sjellin lajme pozitive në sektorin e kriptove, pasi kjo do të eliminojë rrezikun e mundshëm sistemik nga një kolaps hipotetik i Binance. Për më tepër, shumë komentues të industrisë besojnë se zgjidhja e Binance me Shtetet e Bashkuara është pengesa përfundimtare në rrugën drejt aprovimeve të Bitcoin ETF.

Kraken përballet me një padi të re

Bursa kryesor e kriptomonedhave Kraken, përballet me një padi të SEC për funksionimin si një bursë e paregjistruar letrash me vlerë. Kraken thotë se ka në plan të mbrojë qëndrimin e saj. Duke u përplasur me shtytjen e SEC për mbikëqyrjen federale, Kraken deklaroi “Veprimi i Kongresit nga ligjvënësit e zgjedhur, jo zbatimi i agjencisë, është rruga e duhur për krijimin e ligjit të ri…”. Ish-CEO i Kraken, Jesse Powell, paralajmëroi firmat e tjera të kriptomonedhave që nëse nuk mund të përballojnë një padi prej 100 milion dollarësh, më mirë të largohen nga SHBA.

Tether bashkëpunon me Shërbimin Sekret Amerikan

Emetuesi USDT, Tether, ka ngrirë 225 milion dollarë të lidhura me një grup trafikimi njerëzor në Azinë Juglindore. Duke vepruar në bazë të një kërkese të Shërbimit Sekret të SHBA-së, Tether bashkëpunoi në një hetim njëmujor me DOJ dhe OKX Exchange, ku tokenat e ngrira ishin të lidhura me një sindikatë ndërkombëtare të trafikimit të qenieve njerëzore të përfshirë në një mashtrim global.

Miliona të vjedhura në hakimin e HTX

Rreth 115 milion dollarë deri më tani janë vjedhur nga hakerat që kanë shfrytëzuar dy platforma të kriptomonedhave të lidhura me sipërmarrësin Justin Sun. HTX, i njohur më parë si Huobi dhe Heco Chain, ishte në shënjestër të hakerëve që vodhën kriptomonedha me vlerë përkatësisht 30 milion dollarë dhe 85 milion dollarë. Cmimi i tokenit HBTC ra mbi 5% brenda 24 orëve nga zbulimi i hakimit.

Ekspozohen prodhuesit sekret të kriptomonedhave

Forbes ka zbuluar faqet sekrete të prodhuesve të Bitcoin-it në Butan duke përdorur imazhe satelitore, duke zbuluar operacione shtetërore në qytete të. Agjencia qeveritare që mbikëqyr sipërmarrjet e kriptomonedhave të Butanit nuk zbuloi detaje, por konfirmoi ekzistencën e tyre. Operacionet e prodhuesve, vendimtare për Butanin mes të ardhurave në rënie, mbeten disi klandestine, duke ngritur pyetje në lidhje me ndikimin e tyre financiar në të ardhmen.

Përdoruesi i Bitcoin paguan tarifa me vlerë miliona dollarë

Të dhënat kanë zbuluar një incident tronditës ku një përdorues i Bitcoin pa dashje pagoi një tarifë prej 83.65 BTC, që arrin në një gabim të kushtueshëm prej 3.1 milion dollarë, për një transaksion të vetëm. Gabimi ndodhi në një bllok të minuar nga Antpool, duke shënuar tarifën më të lartë të regjistruar ndonjëherë në Blockchain-in e Bitcoin-it. Zgjidhja për gabimin e përdoruesit mbetet e paqartë.

Posted under: News

Ja çfarë ndodhi këtë javë në botën e kriptomonedhave

Posted on November 20, 2023 by Vial

Tether investon në pajisijet e prodhimit të Bitcoin-eve. Një status rreth XRP ETF manipulon tregun. Fonidi i pensioneve i Koresë së Jugut investon në Coinbase ndërsa drejtuesit e një biznesi lidhur me Binance rrëmbehet dhe detyrohet të vjedhë nga Binance. Këto histori dhe më shumë, këtë javë në botën e kriptomonedhave.

Tether investon në prodhimin e Bitcoin-eve

Emetuesi kryesor i monedhës së qëndrueshme (stablecoin), Tether, po investon 500 milion dollarë në operacionet e prodhimit të Bitcoin-eve, duke synuar të bëhet një nga prodhuesit më të mëdhenj në botë. Firma po ndërton objekte në Amerikën Jugore dhe Qendrore me planin ambicioz për të kontribuar me 1% të fuqisë totale të rrjetit të Bitcoin-it. Tether zbuloi një suficit prej 3 miliard dollarësh në raportin e fundit.

Vendimet e Bitcoin ETF përballen me vonesa

Mes pritjeve të zgjatura për miratimin e ETF-ve, SEC ka shtyrë sërish vendimet për aplikimet lidhur me Bitcoin ETF. Shtyrjet prekin aplikimiet ETF nga Hashdex, Global X dhe Franklin Templeton. Aplikimi i Grayscale për Ethereum ETF u vonua gjithashtu. Afati i fundit për Franklin Templeton supozohej të ishte 17 nëntori dhe për Global X 21 nëntori, por me këto vonesa të reja, ndoshta nuk do të shohim asnjë vendim të merret para fundit të vitit.

Tregu manipulohet si pasojë e statuseve të rreme

XRP u rrit me 12% në 25 minuta pasi një status i rrem i cili lidhej me një aplikim të BlackRock për XRP ETF, duke shkaktuar lëvizje të shpejta të çmimeve dhe duke çuar në likuidimin e 5 milion dollarëve. Pavarësisht paqëndrueshmërisë, optimizmi vazhdon për XRP pasi zhvillimet ligjore dhe partneritetet ndërkufitare të Ripple intrigojnë komunitetin e kriptomonedhave. Ndërkohë, BlackRock ka aplikuar zyrtarisht për një Ethereum ETF këtë javë duke emëruar Coinbase si kujdestarin e tij siç ishte parashikuar nga tregu bazuar në dosjet e mëparshme.

Çmimi i Worldcoin ulet si pasoj e dorëheqjes së CEO-s të OpenAI

Pas një njoftimi nga krijuesi i ChatGPT OpenAI, se Sam Altman ka dhënë dorëheqjen si CEO, Worldcoin, një projekt kriptomonedhash prej 200 milion dollarësh i mbështetur nga Altman, pësoi një rënie prej 13%. Në një letër të hapur drejtuar publikut, OpenAI zbuloi se bordi i saj ka arritur një konsensus se nuk ka më besim në aftësinë e Altman për të vazhduar udhëheqjen e OpenAI.

Fondi i pensioneve të Koresë së Jugut investon në Coinbase

Regjistrimet rregullatore të SHBA zbuluan se Shërbimi Kombëtar i Pensioneve të Koresë së Jugut bleu aksione të Coinbase me vlerë 20 milion dollarë gjatë tremujorit të tretë, duke shënuar lëvizjen e tij inauguruese në kompaninë e kriptomonedhës. Fondi publik i pensioneve së Koresë së Jugut është i treti më i madhi në botë dhe mbulon shtetasit koreanë dhe banorët e huaj në vend.

Riemërohet një nga protokollet e huadhënies me profil të lartë

Protokolli i huadhënies së profilit të lartë, Aave, po riemërohet në Avara, siç njoftoi themeluesi Stani Kulechov. Avara ndau gjithashtu blerjen e saj strategjike të Los Feliz Engineering, ekipi që qëndron pas portofolit të kriptomonedhave Family. Aave mban gati 8.7 miliard dollarë likuiditet në tetë rrjete, duke përfshirë Ethereum, Avalanche, Optimism dhe Polygon.

Dapper Labs zbulon një platformë NFT-ish

Dapper Labs ka zbuluar listën e pritjes për Disney Pinnacle, një platformë NFT-ish që premton të transformojë hobin tradicional “pin-collecting” në një përvojë dixhitale me personazhe të Disney, Pixar dhe Star Wars. Dapper Labs është i njohur për koleksionin e tij të suksesshëm NBA Top Shots që pa NFT-të të kalojnë në trendin kryesor në vitin 2021.

Binance ndërhyn në tentativën për vjedhje

Drejtuesit e një biznesi të lidhur me Binance u rrëmbyen në Mal të Zi dhe u detyruan të kryenin një vjedhje me vlerë rreth 12.5 milion dollarësh, por Binance arriti të ngrijë 11.8 milion dollarë nga fondet e vjedhura të gjurmuara në një portofol Tron. Changpeng Zhao, CEO i Binance theksoi nevojën për ekuilibër në parandalimin e konfiskimeve të tilla dhe ndërsa u vlerësua për veprimin e shpejtë, Binance përballet me një kontroll të vazhdueshëm nga rregullatorët.

Posted under: News

Ja çfarë ndodhi këtë javë në botën e kriptomonedhave

Posted on November 13, 2023 by Vial

Bursat e kriptomonedhave të falimentuara mund të filloj shërbimet përsëri. Robinhood po zgjerohet në tregje të reja. Investitorët tashmë janë më oprimist për shkak të lajmeve lidhur me ETF-et ndërkohë që çmimet vazhdojnë të rriten. Këto histori dhe më shumë, këtë javë në botën e kriptomonedhave.

Tregu i kriptomonedhave reagon ndaj optimizmit të shtuar

Bitcoin arriti çmimin më të lartë prej 18 muajsh pasi optimizmi u përhap në të gjithë tregun e kriptomonedhave. Rritja e çmimeve shkaktoi likuidime me vlerë rreth 50 milion dollarë në vetëm 4 orë, duke rritur më tej çmimin e Bitcoin-it, i cili këtë vit është rritur me 120%. Altcoin-et gjithashtu u rritën me mbi 16%. Dominimi i Bitcoin-it, ose pjesa e tij në kapitalin total të tregut të kriptomonedhave, tani qëndron në 49%, duke sinjalizuar ekspozimin e investitorëve ndaj kriptomonedhave të tjera në treg.

Rigjallërohet bursa e kriptomonedhës së falimentuar

Kryetari i SEC Gary Gensler sugjeroi mundësinë e ringjalljes së FTX-it nën udhëheqjen e re, duke theksuar nevojën për transparencë dhe besimin e investitorëve. Raportet tregojnë se Tom Farley, ish-president i NYSE, është në listën e blerësve potencialë për bursën e falimentuar. Ndërkohë, gjyqtari që mbikëqyr çështjen e falimentimit të Celsius Network po i kërkon SEC të përshpejtojë vendimin e saj nëse do të lejojë Celsius të shndërrohet në një firmë prodhuese kriptomonedhash, si pjesë e një plani për të shlyer pjesërisht klientët e saj, disa prej të cilëve u janë ngrirë llogaritë që nga qershori i vitit 2022.

Robinhod zgjeron shërbimet për tregtimin e kriptomonedhave

Platforma amerikane e tregtimit Robinhood po zgjeron shërbimet e saj të tregtimit të kriptomonedhave në Bashkimin Evropian dhe do të nisë operacionet e brokerimit në MB në javët e ardhshme. Robinhood po ecën përpara me zgjerimin e saj pasi disa firma po pezullojnë shërbimet për klientët në Mbretërinë e Bashkuar, për shkak të rregullave të reja të promovimit të zbatuara në tetor, që kërkojnë etiketa të qarta rreziku dhe ndryshime të sistemit.

Binance lançon portofolin Web3

Binance ka lançuar një portofol të ri kriptomonedhash, i cili është i aksesueshëm përmes aplikacionit cellular të Binance. CEO Changpeng Zhao theksoi rëndësinë e portofoleve Web3 si më shumë sesa thjesht për ruajtje të kriptove, por se “ato janë një pjesë integrale e kornizës Web3, duke fuqizuar individët me aftësinë për financim të pavarur”. Portofoli përdor llogaritjen shumëpalëshe: ndarjen e çelësave privatë në tre pjesë për të rritur sigurinë duke ulur ekspozimin ndaj rreziqeve.

Investitorët tashmë janë më oprimist për shkak të lajmeve lidhur me ETF-et

Komisioni Amerikan i Shkëmbimit dhe Letrave me Vlerë ka hapur bisedimet me Grayscale për të kthyer GBTC në një Bitcoin ETF. Rivlerësimi i agjencisë shkaktoi optimizëm të përgjithshëm në tregun e kriptomonedhave, pasi një vendim gjykate e cilësoi refuzimin e mëparshëm arbitrar dhe kapriçioz. Përveç kësaj, BlackRock regjistroi iShares Ethereum Trust, duke sinjalizuar një Ethereum ETF të mundshëm, duke nxitur një rritje të çmimit të Ethereum-it.

XRP kalon mbi BNB në renditjen e Altcoin-eve

XRP i Ripple kaloi shkurtimisht BNB-në e Binance si tokeni i katërt më i madh sipas kapitalit të tregut, me një rritje çmimi 11% në një ditë të vetme. Rritja e çmimeve u shkaktua nga njoftimi i Ripple për bashkëpunimin e saj me Onafriq për zgjerimin e dërgesave në Afrikë, MB dhe Australi. Partneriteti hap korridoret e reja të pagesave të bazuara në blockchain, duke shërbyer në mbi 400 milion kuleta celulare.

400 projekte mashtrimi janë lidhur me Grok AI të Musk

Pavarësisht deklaratës së Elon Musk se kompanitë e tij nuk do të krijojnë kriptomonedha, mbi 400 tokena mashtrimi të lidhura me AI-n e tij të re, Grok, janë shfaqur tashmë, duke grumbulluar mbi 10 milion dollarë në treg. Të paktën 10 tokena Grok shkaktuan një humbje prej 1 milion dollarë. Në të kundërt, një raport i ri tregon ritmin më të ngadaltë të krijimit të altcoin-eve në 3 vjet për shkak të uljes së financimit për projektet blockchain.

Modelet e AI tejkalojnë fitimet e strategjisë HODL me 300%

Studiuesit akademikë nga dy universitete greke kanë mbështetur atë që quhet “Hipoteza e tregut efikas për tregtimin e Bitcoin-it”. Ata argumentojnë se modelet e tyre të AI të bazuara në teorinë e diskutueshme mund të tejkalojnë strategjinë hodl me gati 300% në portofolet e simuluara të kriptomonedhave, duke u mundësuar investitorëve të arrijnë fitime më të larta sesa me një strategji tradicionale të blerjes dhe mbajtjes, edhe pse vetëm në teori.

Posted under: News

Lajme të mira për industrinë e kriptomonedhave

Posted on November 6, 2023 by Vial

Sam Bankman-Fried u shpall fajtor për të gjitha akuzat. Elon Musk zbulon planet për X. Hong Kong-u vazhdon planet për kriptomonedhat ndërsa Argjentina propozon plane për përdorimine energjisë së gazit natyror në prodhimin e Bitcoin-eve. Këto histori dhe më shumë, këtë javë në botën e kriptomonedhave.

SBF shpallet fajtor për të gjitha akuzat

Ish-CEO i FTX-it, Sam Bankman-Fried, u shpall fajtor për të shtatë akuzat e ngritura kundër tij, akuza të cilat përfshijnë mashtrimet dhe pastrimin e parave. Rasti i SBF është një nga rastet më të mëdha të mashtrimit financiar në histori. Një juri e gjykatës federale në Manhattan e dënoi atë në vetëm pesë orë me akuzën se ai vodhi 8 miliardë dollarë nga përdoruesit e buesës. SBF tani pret dënimin dhe përballet me 110 vite burgim.

Rekord fluksi parash në industrinë e kriptomonedhave

Produktet e investimeve të aseteve dixhitale, si Bitcoin ETF, kanë parë flukset më të mëdha javore që nga korriku 2022. Fondet sollën 326 milion dollarë ndërsa pritshmëritë u rritën që Komisioni i Shkëmbimit dhe Letrave me Vlerë (SEC) i SHBA-së është gati të miratojë një fond të tregtueshëm (Bitcoin ETF). Flukset më të mëdha hyrëse këtë javë erdhën nga Kanadaja, Gjermania dhe Zvicra, ndërsa SHBA-ja regjistroi 12% të fluksit të parave në indsutri.

PayPal merr thirrje nga SEC

Komisioni i Shkëmbimit dhe Letrave me Vlerë (SEC) ka lëshuar një thirrje për PayPal në lidhje me monedhën e saj të qëndrueshme të lidhur me dollarë, PYUSD. PayPal lançoi stablecoin në gusht, monedhë e cila mbështetet plotësisht nga depozitat në dollarë amerikanë, thesare afatshkurtra dhe ekuivalente të ngjashme me ato të parave. Monedha aktualisht ka një kapital tregu me vlerë rreth 150 milion dollarë.

Zbulohen planet për X

Elon Musk zbuloi planet e tij për të transformuar platformën e tij të mediave sociale, X në një qendër financiare gjithëpërfshirëse. Musk synon të prezantojë shërbime të reja financiare vitin e ardhshëm, duke parashikuar një platformë që përfshin çdo aspekt të jetës financiare të përdoruesve, duke përfshirë paratë dhe letrat me vlerë. Musk nuk specifikoi përfshirjen e Blockchain, por tha se me X, nuk do të keni nevojë për një llogari bankare.

Vazhdon plani i Hong Kongut për kriptomonedhat

Visa, HSBC dhe Hang Seng Bank arritën një moment historik me programin e tyre pilot Digital Hong Kong Dollar, duke ofruar pagesa më të shpejta, menaxhim të përmirësuar të rrezikut dhe transparencë të përmirësuar të transaksioneve. Sekretari Financiar i Hong Kongut tha se skandali i fundit i JPEX, që përfshiu 2500 qytetarë që u mashtruan, mashtrim që arriti vlerën e 165 milion dollarëve, nuk do të dëmtojë vizionin afatgjatë të Hong Kongut për kriptomonedhat.

Argjentina propozon planin për të ndihmuar në prodhimin e Bitcoin-eve

Argjentina po shqyrton idenë e bashkimit të Bitcoin-it dhe menaxhimit të energjisë në përputhje me një prirje globale në zhvillim. Sergio Massa, kandidati për president në Argjentinë, propozon përdorimin e gazit natyror i cili prodhohet në Vaca Muerta për të ushqyer makineritë e prodhimit të Bitcoin-it. Plani synon të ripërdor gazin e tepërt i cili aktualisht shpërdorohet, në energji elektrike për të fuqizuar operacionet e prodhimit të Bitcoin-it.

Cathie Wood: Bitcoin është mbrojtja e re ndaj fenomeneve monetare

Kreu i Ark Invest, Cathie Wood beson se deflacioni mund të jetë një kërcënim më i madh se inflacioni, por që Bitcoin mund të shërbejë si një mbrojtje kundër të dyjave. Kur u pyet për zgjedhjen e saj për 10 vitet e ardhshme, Wood zgjodhi me vendosmëri Bitcoin-in, duke thënë se ari tashmë ka kërkesën e tij, ndërsa Bitcoin-i është një asset i ri dhe dixhital, duke thënë se brezat e rinj do të preferonin të zotëronin më shumë Bitcoin-in sesa ari-in.

Posted under: News

Lakmia në botën e kriptomonedhave: Ngjarjet më të rëndësishme të javës

Posted on October 30, 2023 by Vial

Lakmia ekstreme kaplon tregun e kriptomonedhave. SBF dëshmon privatisht në gjyqin lidhur me FTX-in. Zbulohet shuma totale e veprimeve të SEC ndaj kriptomonedhave ndërsa themeluesi i Binance humbi miliarda në vitin 2023.Këto histori dhe më shumë, këtë javë në botën e kriptomonedhave.

Bitcoin arrin në çmimin më të lartë në 18 muaj

Optimizmi i nxitur nga fondet e tregtueshme të Bitcoon-it e rriti çmimin e tij në nivelet më të larta që nga maji i vitit të kaluar, me 14% në një hark kohor prej 24 orësh. Në të njëjtën kohë, Indeksi i Frikës dhe Lakmisë së Kriptomonedhave, i cili mat ndjenjën e investitorëve për tregun, gjithashtu arriti nivelin e tij më të lartë për Bitcoin-in që nga nëntori i vitit 2021. Numrat më të lartë në këtë indeks pasqyrojnë lakminë e përgjithshme të tregut.

Simboli i Bitcoin ETF zhduket

Simboli për fondin e tregtueshëm të Bitcoin-it të BlackRock-ut, IBTC, u zhduk dhe më pas u rishfaq në faqen e internetit të Depository Trust and Clearing Corporation, duke shkaktuar një rënie të papritur prej 3% në çmimin e Bitcoin-it. Vëmendja rreth fondeve të tregtueshëm (ETF) është aq e mprehtë sa faqja e internetit e DTCC doli jashtë funksionit. Një analist i lartë i ETF tha se vëmendja e shtuar flet për veçantinë dhe intensitetin e gjithë kësaj sage të ETF.

SBF dëshmon privatisht në gjyqin lidhur me FTX-in

Ish-CEO i FTX-it, Sam Bankman-Fried, dëshmoi privatisht para gjykatësit për të përcaktuar se cilat pjesë të dëshmisë së tij mund t’i paraqiten jurisë. 31-vjeçari përballet me akuzën e mashtrimit të investitorëve dhe manipulimit të provave. Bankman-Fried mbrojti vendimet e tij të dyshimta si vendosja e disa bisedave në grup që do të fshiheshin automatikisht duke thënë se kjo ishte në përputhje me politikat e mbajtjes së të dhënave të vendosura nga ekipi i tij ligjor.

Zbulohet shuma totale e veprimeve të SEC ndaj kriptomonedhave

Kryetari i SEC Gary Gensler zbuloi se veprimet përmbarimore të agjencisë këtë vit kanë çuar në 5 miliard dollarë në gjykime dhe urdhra. Gensler e quajti në mënyrë specifike industrinë e kriptomonedhave “të papajtueshme” duke thënë se ai “nuk do t’i përmend as të gjithë individët” që ata kanë akuzuar. Në vitin 2023, SEC nisi mbi 780 veprime përmbarimore dhe si pjesë e atyre vendimeve prej 5 miliardë dollarësh, 930 milion dollarë iu kthyen investitorëve të prekur.

Turqia planifikon rregulloren e kriptomonedhave

Programi Vjetor Presidencial i Turqisë për vitin 2024 vendos një synim për të vendosur rregullore për kriptomonedhave, duke përfshirë planet për përcaktimin e aseteve dixhitale, duke hedhur një bazë për rregullat për taksimin e tyre në të ardhmen. Plani synon gjithashtu të jap përkufizime ligjore për ofruesit e kriptomonedhave, si bursat. Interesi i konsiderueshëm për kriptomonedhat në vend është nxitur nga kriza e vazhdueshme e inflacionit të lirës turke. Një studim i vitit 2022 zbuloi se Turqia është kombi i dytë kryesor në botë për sa i përket kërkesave të kërkimit të lidhura me kriptomonedhat, me 5.5% të popullsisë së saj që bën pyetje të tilla.

Kapet operacioni më i madh i pastrimit të parave në Australi

Biznesi Australian, Changjiang Currency Exchange ka qenë nën hetim për pastrimin e 145 milion dollarëve të dyshuar. Një operacion policor prej 300 trupash që përfshin qytetet e mëdha si Melburni, Sydney dhe Brisbane, çoi në arrestimin e katër shtetasve kinezë dhe tre australianë pas një hetimi 14-mujor. Policia tha se bursa ndihmoi në pastrimin e fondeve të pista dhe  mashtrimet e investimeve dhe shkëmbimet e paregjistruara të kriptomonedhave.

Themeluesi i Binance humbi miliarda në vitin 2023

Indeksi i miliarderëve të Bloomberg reduktoi vlerësimin e të ardhurave të Binance me 38% për shkak të vëllimeve në rënie, duke çuar në një rënie të jashtëzakonshme prej 12 miliard dollarësh në vlerën neto të themeluesit Aer Changpeng Zhao. Binance dikur zotëronte një pjesë të konsiderueshme të tregut, duke arritur të zotëronte rreth 62% të të gjithë tregut gjatë një promovimi me tarifë zero për çiftet kryesore të tregtimit, por pas përfundimit të promovimit, zotërimi i tregut ra në 51%.

Posted under: News

Bitcoin ETF, qendra e vëmendjes këtë javë në botën e kriptomonedhave

Posted on October 23, 2023 by Vial

Ndjenja positive rreth Bitcoin ETF rrit luhatshmërinë e tregut të kriptomonedhave. Binance do të sjellë ndryshime në Evropë. SHBA rrit masat e saj ndaj aktivitetit të paligjshëm të shërbimeve të përzierjes së kriptomonedhave ndërsa tregu pret fondin e pare tregtueshëm të Bitcoin-it (Bitcoin ETF). Këto histori dhe më shumë, këtë javë në botën e kriptomonedhave.

Çmimi i Bitcoin-it arrin në 30,000 dollarë

Çmimi i Bitcoin arriti 30,000 dollarë dy herë këtë javë si pasojë e pritshmërive positive për fondin e pare të tregtueshëm (Bitcoin ETF). Edhe pse një raport i publikuar se një ETF ishte miratuar u tërhoq më vonë, disa pjesëmarrës të mëdhenj të tregut këtë javë shprehën besimin e tyre në një miratim eventual të Bitcoin ETF në SHBA.

Keqinformimi nga lajmet shkakton një humbje prej 100 milion dollarë

Gati 100 milion dollarë u likuiduan brenda një ore pasi raportet e gabuara rreth një ETF-i të miratuar të Bitcoin-it e çuan çmimin e monedhës në rritje pak para një korrigjim të nxituar. Postuar në X, llogaria e Cointelegraph postoi se SEC kishte miratuar një Bitcoin ETF, por ai raport doli të ishte i parakohshëm. Një hetim i brendshëm zbuloi se raporti u publikua përpara se të takohej me protokollin e mediave sociale të Cointelegraph dhe u bazua vetëm në një mesazh të pakonfirmuar në Telegram.

Treu i kriptomonedhave në pritje të Bitcoin ETF

Zyrtari kryesor ligjor i Coinbase, Paul Grewal tha se ka të ngjarë që SEC të miratojë një ETF së shpejti. Grewal theksoi faktin se rregullatori nuk mund të bllokonte Grayscale në gjykatë nga konvertimi i fondit të tij GBTC në një ETF. Banka e investimeve, JPMorgan konfirmoi në një raport për investitorët se ata presin një miratim të Bitcoin ETF përpara datës 10 janar, që është afati përfundimtar për aplikimet e Ark 21Shares. Një punonjës i brendshëm i BlackRock ETF Anthony Scaramucci shkoi edhe më tej, duke thënë se miratimi i ETF do të çojë çmimin e Bitcoin-it deri në 330,000 dollarë.

Kompanitë amerikane të kriptomonedhave janë emëruar në një padi për mashtrim me vlerë rreth 1 miliard dollarë

Prokurorët amerikanë kanë akuzuar tre firma të profilit të lartë të kriptomonedhave se kanë mashtruar investitorët prej më shumë se 1 miliard dollarë. Prokurorët thonë se bursa amerikan Gemini gënjeu klientët për rreziqet e një llogarie investimi që paguante norma të larta interesi në kripto. Genesis, një huadhënës i kriptomonedhave, dhe kompania e saj mëmë Digital Currency Group, të cilat ishin gjithashtu të përfshira në program, tani po përballen me akuza të rënda.

Binance do të bëjë ndryshime në shërbimet evropiane

Shërbimet e kartave të debitit Visa të Binance do të mbyllen për vendet Evropiane në dhjetor pasi emetuesi i kartës së Binance, Contis Financial Services do të ndalojë emetimin e kartës. Bursa e kriptomonedhave njoftoi gjithashtu se po prezanton partnerë të rinj fiat për të ofruar shërbime në euro pasi ofruesi evropian i Binance, Paysafe ndërpreu partneritetin me Binance në shtator.

SHBA godet aktivitet e përzierjes së kriptomonedhave

SHBA ka rritur masat e saj ndaj aktivitetit të paligjshëm të shërbimeve të përzierjes së kriptomonedhave. Departamenti i Thesarit po planifikon të detyrojë më shumë transparencë në tregtitë që kalojnë përmes shërbimeve të përzierjes së kriptomonedhave për të luftuar pastrimin e parave dhe rreziqet e sigurisë kombëtare duke frenuar përdorimin e aseteve dixhitale për financimin e grupeve të sanksionuara si Hamasi.

Ferrari pranon pagesa përmes kriptomonedhave në SHBA

Ferrari pranon pagesa me kriptomonedha për makinat e saj luksoze në SHBA dhe synon ta shtrijë atë plan në Evropë. Ferrari tha se vendimi erdhi si përgjigje ndaj kërkesës nga tregu dhe kërkesave nga tregtarët pasi shumë nga klientët e saj kanë investuar në kriptomonedha. Klientët mund të përdorin Bitcoin, USDC dhe Ethereum për të blerë makina.

Posted under: News